Líkaminn man - EMDR og TRE - Helgarnámskeið - Reykjavik

Name: Líkaminn man - EMDR og TRE - Helgarnámskeið - Reykjavik
Start: 2026-09-18T13:00:00+00:00
Location: Yogavin

Schedule

Fri, 18 Sep, 2026 at 01:00 pm

UTC+00:00

Location

Yogavin | Reykjavík, RE

Á þessu gagnvirka námskeiði fær þátttakandinn tækifæri til að vinna með og auka við eigin þekkingu og færni fyrir eigin heilsu. Afleiðingar áfalla og streituvaldar eru meðal viðfangsefna okkar í námskeiðinu auk margs annars sem getur leitt til betri heilsu og bættra lífsgæða.
Líkaminn geymir allt.
Fólk sem hefur orðið fyrir áföllum finnur fyrir langvarandi óöryggi í líkama sínum – fortíðin lifir í formi óþæginda, verkja, kvíða. Líkami þeirra verður stöðugt fyrir innri viðvörunarmerkjum, oft óútskýranleg. Til að reyna að stjórna þessum ferlum læra þau oft að hunsa tilfinningar sínar og deyfa meðvitundina um það, sem er að gerast innra með þeim. Þau læra að fela sig fyrir sjálfum sér.
-Bessel Van Der Kolk.
Næsta þriggja daga námskeið
Föstudagur 18. sept., 2026.
kl. 13.00 -17.00
Laugardagur 19. sept., 2026.
kl. 9.00 - 17.00
Sunnudagur 20. sept., 2026.
kl. 10.00 - 17.00
Verð: 129.000 kr
Nánari upplýsingar og skráning.
https://www.svavabrooks.com/emdr-tre-namskeid
Boðið er upp á stutt spjall ef þú hefur áhuga en vilt nánari upplýsingar um hvort að þetta námskeið henti þér. Hafðu samband við Svövu [email protected]
Um helgina er rifjað upp hvernig streita hefur áhrif á líkamann. Farið er yfir viðbrögð taugakerfisins við streitu og áföllum. Einnig er farið í EMDR hópmeðferð fyrir úrvinnslu áfalla, TRE fyrir spennulosun á streitu og til að ná djúpri slökun fyrir líkama og taugakerfi.
Tilgangur námskeiðisins er bæði uppbygging og styrking einstaklinga fyrir úrvinnslu áfalla. Einnig aukum við þolmörk líkamans fyrir betra tilfinningalegt jafnvægi. Loks lærum við að tengja betur saman huga og líkama. Það bætir færni okkar við að takast á við streitu og almenna vanlíðan.
EMDR hópameðferð er frábrugðin hefðbundinni hópameðferð að því leyti að þátttakendur vinna sjálfstætt og ræða ekki áfallasögu sína við aðra. EMDR hópameðferð krefst ekki að aðilar í hópnum séu að vinna með sama vanda. Þannig forðast einstaklingar hvers kyns aukakveikjur, komast framhjá mögulegum félagslegum kvíða sem tengist því að tala í hópi og hagnast af þeim jákvæða ávinningi sem sameiginleg hópaupplifun getur verið.
TRE® (Tension, Stress & Trauma Release) er líkamsmiðuð leið til að hjálpa líkamanum að losa um spennu, streitu og áföll sem liggja djúpt í vöðvum líkamans. Leiðin er þróuð af Dr. David Berceli PhD til að virkja náttúruleg viðbrögð líkamans á öruggan hátt með því að leyfa líkamanum að skjálfa eða titra til að losa um vöðvaspennu og róa taugakerfið. Með því að virkja þessi náttúrulegu viðbrögð líkamans í öruggu umhverfu, er verið að hvetja líkamann til þess að endurheimta jafnvægi sitt og ná slökun eftir langvarandi streitu.
Leiðbeinendur á þessu námskeiði eru Sigríður Björnsdóttir sálfræðingur og Svava Brooks, TRE leiðbeinandi.
Sigríður hefur starfað á einkareknum sálfræðistofum frá útskrift M.Sc í sálfræði frá HR 2018. Hún er í reglulegri handleiðslu bæði hjá íslenskum og erlendum handleiðurum og tekur markvisst þátt í þjálfun og endurmenntun á EMDR meðferðarforminu og mikilvægri sérhæfingu því tengdu.Hún sérhæfir sig í úrlausn áfalla, bæði flókinna áfalla og vegna áfallastreituröskunar auk almennrar sálfræðiþjónstu. Nánari upplýsingar um Sigríði og EMDRsetrinu hér. https://www.emdrsetrid.is/
Svava er vottaður TRE leiðbeinandi, TRE trainer, og hefur unnið með TRE ráðgjöf síðan 2017. Svava hefur unnið með sjálfshjálparhópa á vegum einkafyrirtækja, stofnana og grasrótarsamtaka síðastliðinn 9 ár, við forvarnir gegn kynferðisofbeldi síðastliðinn 15. ár. Svava býður upp á fræðslu og námskeið um áhrif streitu og áföll á heilsu og líðan, fyrir fyrirtæki og stofnannir. Svava tekur reglulega þátt í þjálfun í TRE, vinnur sem TRE mentor og síðast hefur setið námskeið til að kenna börnum TRE. Hægt er að fræðast meira um Svövu og TRE á heimasíðu hennar: svavabrooks.com/tre
Líkaminn man, helgarnámskeið i EMDR meðferð og TRE aðferðin.
Meðferð og sjálfstyrking sem felur í sér EMDR meðferð, sjálfstyrkingu og streitu og spennu losun vegna vegna áfalla, verkja eða kulnunar. EMDR meðferð er heildstæð sálfræðileg meðferð til að vinna úr afleiðingum áfalla og streitu.
Sigríður Björnsdóttir, EMDR meðferðaraðili er M.Sc. sálfræðingur og vottaður EMDR meðferðaraðili og EMDR handleiðari. Sérhæfð í úrlausn áfalla og streitu.
TRE er líkamsmiðuð aðferð til að losa úr líkamanum, spennu, streitu og verki. Svava Brooks, TRE leiðbeinandi er vottaður leiðbeinandi og sérhæfir sig í líkamsmiðaðri nálgun.
Þátttakendur öðlast færni í streitustjórnun, finna fyrir meiri orku og betra jafnvægi.
Umsögn um námskeiðið:
"Mjög gott og gagnlegt námskeið. Farið yfir mikið efni en öllu gefið góður tími sem passaði vel. Kennarar mjög gefandi og hlýir. Skilaði sér vel hversu mjög þeir brenna fyrir því að gefa af sér og umvefja nemendur sína."
Fleiri umsagnir um þessi námskeið hér.
https://www.svavabrooks.com/emdr-tre-namskeid