Víkingur leikur Brahms - 75 ára afmælistónleikar

Name: Víkingur leikur Brahms - 75 ára afmælistónleikar
Start: 2025-03-06T19:30:00+00:00
End: 2025-03-06T21:30:00+00:00
Location: Eldborg, Harpa, Austurbakka 2

Schedule

Thu Mar 06 2025 at 07:30 pm to 09:30 pm

UTC+00:00

Location

Eldborg, Harpa, Austurbakka 2 | Reykjavík, RE

Í mars 2025 verða 75 ár liðin frá því Sinfóníuhljómsveit Íslands hélt sína fyrstu tónleika. Af því tilefni verður efnt til hátíðartónleika þar sem hljómsveitin leikur stórvirki úr tónlistarsögunni undir stjórn Evu Ollikainen, aðalhljómsveitarstjóra Sinfóníuhljómsveitar Íslands.
Víkingur Heiðar Ólafsson er einn af eftirsóttustu klassísku tónlistarmönnum heims um þessar mundir. Á þessu starfsári kemur hann fram með hljómsveitum á borð við Fílharmóníusveitir Berlínar, Lundúna og New York og frumflytur meðal annars nýjan píanókonsert John Adams með Sinfóníuhljómsveitinni í San Fransisco. Hann hefur hlotið fjölmörg alþjóðleg verðlaun fyrir leik sinn og hljóðritunum hans undir merkjum þýska útgáfufyrirtækisins Deutsche Gramophon hefur verið streymt yfir 900 milljón sinnum á helstu streymisveitum. Á þessum tónleikum tekst Víkingur á við annan píanókonsert Jóhannesar Brahms, stórbrotið glæsiverk sem spannar allt litrófið í leik einleikara og hljómsveitar — frá fíngerðri ljóðrænu til magnþrunginna tilfinninga.
Ein Heldenleben, eða Hetjulíf, er eitt þekktasta tónaljóð Richards Strauss. Verkið samdi Strauss þegar hann stóð á hátindi frægðar sinnar, var eftirsóttur hljómsveitarstjóri og hafði samið töluvert af verkum sem höfðu hlotið góðar viðtökur. Í Hetjulífi er tónskáldið sjálft söguhetjan, eins konar ofurmenni sem tekst á við mótlæti heimsins.
Tónleikarnir hefjast á nýjum hátíðarforleik Ingibjargar Ýrar Skarphéðinsdóttur, sem pantaður var af þessu tilefni. Hann er þó ekki eina verkið sem frumflutt verður á tónleikunum, en á þeim hljómar einnig í fyrsta sinn Darraðarljóð Jóns Leifs sem er skrifað fyrir kór og hljómsveit. Textann hefur Jón úr Brennu-Njáls sögu, nánar tiltekið hinum dulmagnaða nornasöng sem Dörruður verður vitni að í 157. kafla hennar. Í nótnahandritinu má sjá skrifað „samkvæmt 50 ára gamalli áætlun“ og er því ljóst að Jón hefur byrjað að huga að þessu viðfangsefni þegar á táningsaldri.
*Tónleikarnir eru u.þ.b. tvær klst. með tuttugu mínútna hléi.
Efnisskrá
Ingibjörg Ýr Skarphéðinsdóttir Hátíðarforleikur (frumflutningur)
Jón Leifs Darraðarljóð (frumflutningur)
Johannes Brahms Píanókonsert nr. 2
Richard Strauss Ein Heldenleben
Hljómsveitarstjóri
Eva Ollikainen
Einleikari
Víkingur Heiðar Ólafsson
Kórar
Kór Hallgrímskirkju
Kór Langholtskirkju
Kórstjórar
Steinar Logi Helgason
Magnús Ragnarsson
Tónleikakynning » 6. mar. kl. 18:00
//
In March 2025, The Iceland Symphony Orchestra celebrates the 75th anniversery of its first ever concert. In this celebratory concert, we commemorate this milestone with a selection of great works conducted by ISO's chief conductor Eva Ollikainen.
Víkingur Ólafsson is one of the most sought-after classical musicians in the world today. This season, he performs with orchestras such as the Berlin, London and New York Philharmonic orchestra, and premieres, among other works, John Adams' new piano concerto with the San Francisco Symphony Orchestra. Víkingur has received numerous international awards for his performances and his recordings, released by Deutsche Grammophon, have been streamed over 900 million times on major streaming platforms. In this concert, Víkingur takes on Johannes Brahms' second piano concerto, a monumental masterpiece in which soloist and orchestra share everything from from delicate lyricism to intense, symphonic passion.
"Ein Heldenleben," or "A Hero's Life," is one of Richard Strauss's most famous tone poems. Strauss composed the work at the height of his fame as a successful composer and sought-after conductor. In "A Hero's Life," the composer himself becomes the protagonist, a superhero of sorts, confronting the challenges of the world.
The concert begins with a new festive overture by Ingibjörg Ýr Skarphéðinsdóttir, commissioned for the occasion. The programme also features another premiere – that of "Darraðarljóð" (The Poems of Dörruður) by Jón Leifs, one of the pioneers of Icelandic music. Written for choir and orchestra, this work from 1964 is inspired by the mysterious chant of the Norns in the Saga of Burnt Njal.

Program
Ingibjörg Ýr Skarphéðinsdóttir Festival overture
Jón Leifs Darraðarljóð
Johannes Brahms Piano Concerto no 2
Richard Strauss Ein Heldenleben
Conductor
Eva Ollikainen
Soloist
Víkingur Ólafsson
Choirs
Kór Hallgrimskirkju
Kór Langholtskirkju