Stille Vuur | Musiek en Drama

Stille vuur: ’n Kontemporêre musiekervaring van vrede, introspeksie en samewerking
Met: Frieda van den Heever, Coenie de Villiers, Mauritz Lotz en Deon Meyer
Musiek: Frieda van den Heever, Coenie de Villiers en Mauritz Lotz
Lirieke en teks: Deon Meyer
Beligting en inkleding: Frieda van den Heever en Coenie de Villiers
Vervaardiger: Pieter-Jacques Kapp
Die wêreld het meer as ooit vrede nodig, en elkeen van ons smag daarna. Stille vuur ondersoek hoe vrede geskep kan word in ’n gebroke wêreld – deur musiek, liriek en vertelling.
Vier gevestigde kunstenaars bring hierdie tema tot lewe. Frieda van den Heever en Coenie de Villiers sit agter die klawers met nuwe komposisies en bekende musiek in ’n vars gedaante, terwyl kitaarspeler Mauritz Lotz die klank verruim met sy unieke styl.
Bekroonde skrywer Deon Meyer sluit as gasverteller aan en bring nuwe teks na die verhoog – ’n samevloei van woord en klank wat die gehoor op ’n diep en emosionele reis neem.
Kom beleef hoe warm ’n stille vuur kan brand.
Ouderdomsbeperking: Alle ouderdomme