Skrifarar sem skreyttu handrit sín - Bókakynning

Name: Skrifarar sem skreyttu handrit sín - Bókakynning
Start: 2026-03-12T16:00:00+00:00
End: 2026-03-12T17:30:00+00:00
Location: Þjóðarbókhlaðan

Schedule

Thu Mar 12 2026 at 04:00 pm to 05:30 pm

UTC+00:00

Location

Þjóðarbókhlaðan | Reykjavík, RE

Sýnisbók Íslenskrar alþýðumenningar, Miðstöð einsögurannsókna og Háskólaútgáfan kynna nýjustu útgáfu sína, bók Kjartans Atla Ísleifssonar, Skrifarar sem skreyttu handrit sín: Alþýðulist og skreytingar í handritum síðari alda.
Bókin greinir og birtir myndrænt efni og skreytingar í íslenskum pappírshandritum frá lokum 17. aldar til upphafs þeirrar 20. Drjúgur hluti þessa efnis er unninn af alþýðufólki. Skrifararnir nutu ekki formlegrar menntunar í myndlist eða teikningu og unnu verkin oftast við kröpp kjör og fátæklegar aðstæður. Þetta efni veitir innsýn í sjónmenningu landsmanna löngu fyrir upphaf formlegrar myndlistarsögu á Íslandi. Í bókinni er einnig að finna yfirgripsmikla handritaskrá með yfir 300 lýsingum á skreyttum handritum. Hér er á ferðinni verk fyrir allt áhugafólk um myndlist í nútíð og fortíð.
Kjartan Atli segir frá rannsókn sinni og helstu niðurstöðum og rabbar við gesti um sjónræna hlið handritamenningar síðari alda. Að kynningu höfundar gefst gestum færi á að skoða valin sýnishorn af myndum og skreytingum úr íslenskum handritum.