Hádegisjóga með Evu Rós í sal Lífspekifélagsins 🧘🏼‍♀️🕉️🧘🏻‍♂️

Name: Hádegisjóga með Evu Rós í sal Lífspekifélagsins 🧘🏼♀️🕉️🧘🏻♂️
Start: 2025-11-05T12:00:00+00:00
End: 2025-11-05T13:15:00+00:00
Location: Ingólfsstræti 22, 101 Reykjavík, Iceland

Schedule

Wed Nov 05 2025 at 12:00 pm to 01:15 pm

UTC+00:00

Location

Ingólfsstræti 22, 101 Reykjavík, Iceland | Reykjavík, RE

Þennan veturinn býður stúkan Mörk félögum í Lífspekifélaginu og vinum þeirra að iðka jóga með okkur í hádeginu í salnum alla miðvikudaga og föstudaga.
Á miðvikudögum kennir Eva Rós Gústavsdóttir, sálfræðinemi og jógakennari, rólega jógatíma sem henta bæði byrjendum og lengra komnum iðkendum.
Í hverjum tíma mun hún taka fyrir eina áherslu úr jógafræðunum og fjalla sérstaklega um hana en áherslurnar kallast yamas og niyamas og eru fyrstu tvö þrepin í átta þrepa kerfi jóga.
Í hverjum tíma mun hún fara yfir hvernig við getum innleitt hvert og eitt þrep í iðkun okkar, bæði í daglegu lífi og á meðan á jógaæfingunni stendur.
Hver tími hefst á umfjöllun um viðfangsefni vikunnar, því næst eru hefðbundnar upphitunaræfingar, þá eru nokkrar stöður æfðar, svo lendum við með öndunaræfingum (pranayama) og hugleiðslu og sökun í lokin.
Um kennarann:
Eva Rós hefur mikinn áhuga á því sem viðkemur tengingu líkama og sálar. Nú stundar hún nám í klínískri sálfræði við Háskóla Íslands en í framtíðinni hyggst hún beita samþættingu líkama og sálar við meðferðir.
Á fagmáli hefur þetta verið kallað “sómatísk” nálgun en meðlimir í stúkunni Mörk hafa allir sérstakan áhuga á þessu viðfangsefni. Jógaiðkun er fullkomin leið til að hlúa að ástandi sálarinnar í gegn um líkamlegar æfingar og tími í hádegisjóga hjá Evu er bæði endurnærandi og styrkjandi í senn.
Tíminn kostar ekki neitt en við þiggjum frjáls framlög sem renna til reksturs hússins og að hluta til kennara. Við tökum fram að þau eru ekki nauðsynleg en ef fólk hefur tök á þá mælum við með að það gefi í hlutfalli við eigin fjárráð.
Við höfum dýnur á staðnum en mælum með að fólk mæti í teygjanlegum fötum.