Sýning | Sýnishorn frá Hringnum

Name: Sýning | Sýnishorn frá Hringnum
Start: 2025-09-18T10:00:00+00:00
End: 2025-09-18T18:00:00+00:00
Location: Borgarbókasafnið Árbæ

Schedule

Thu Sep 18 2025 at 10:00 am to 06:00 pm

UTC+00:00

Location

Borgarbókasafnið Árbæ | Reykjavík, RE

Á sýningunni er handavinna sem félagskonur í Kvenfélaginu Hringnum hafa unnið að undanfarna mánuði.
Verkin sem prýða sýninguna eru aðallega dúkar, ungbarnasett og púðar en þar er aðeins um sýnishorn að ræða af því fjölbreytta og glæsilega handverki sem Hringskonur gera.
Sýningarverkin ásamt fjölmörgu fleiru verða svo til sölu á hinum landsþekkta basar á Grand Hóteli við Sigtún sunnudaginn 2. nóvember.
Kvenfélagið Hringurinn var stofnað árið 1904. Marknið félagsins er að vinna að líknar- og mannúðarmálum, sérstaklega í þágu barna. Aðalverkefni félagsins um áratugaskeið hefur verið uppbygging Barnaspítala Hringsins og má geta þess að á árinu fékk spítalinn afhentar 120 milljónir frá félaginu. Mörg önnur verkefni, sem tengjast veikum börnum, hafa verið studd og styrkt, þeirra á meðal Barna- og unglingageðdeildin og ýmis sambýli fyrir fatlaða svo fátt eitt sé talið.
Í félaginu eru nú um 360 konur á öllum aldri sem vinna allt árið um kring að því að safna fé í Barnaspítalasjóðinn. Sala jólakorta, jólakaffi, -basar og -happdrætti eru fastir liðir í starfseminni. Aðrir stórir liðir eru Gjafahornið, þar sem seld er handavinna Hringskvenna, sala minningarkorta og tækifæriskorta og fjáröflunarbaukar sem eru víða, til dæmis í Leifsstöð.
Sýningin er opin á afgreiðslutíma safnsins.
Nánari upplýsingar:
Katrín Guðmundsdóttir
deildarstjóri Borgarbókasafnsins Árbæ
[email protected]
Lilja Ægisdóttir, formaður Hringsins
[email protected]