Rubinkonsert - Gloppen janitsjar feirar 40 år

Gloppen Janitsjar rundar 40 år – med to urpremierer
Som sjølvstendig korps er ikkje Gloppen janitsjar så gamle. I 1986 slo Sandane hornmusikk og Breim hornmusikk seg saman til dagens korps. Dette ekteskapet har vakse seg sterkt og har no halde i 40 år, og det markerer vi med ein Rubinkonsert.
Vi har saumfart 40 års medlemsarkiv og fått med oss over 20 tidlegare musikantar. Til denne kvelden blir det altså eit storkorps med rundt 50 musikanar på scena.
Til jubileumskonserten har vi vore i arkivet å plukka ut høgdepunkt frå korpset si historie. Både melodiar som vi likte å spele, men som vi også veit at publikum likte. I tillegg spelar vi ein del nytt stoff. Spesielt gledar vi oss til å urframføre bestillingsverket som breimningen Camilla Hole har skrive til oss. Camilla har master i utøvande musikk og vidareutdanning i komposisjon.
Med oss på konserten blir også sandensarane Adele Eikenes Bassermann og Øyvind Lyslo.
Vi kan love ein konsert med stor variasjon, eit feststemt korps i nye uniformer og nokre overraskingar.