Vetrarnámskeið í skapandi tónlistarstjórnun
Schedule
Sat, 10 Jan, 2026 at 10:00 am to Sun, 11 Jan, 2026 at 04:00 pm
UTC+00:00Location
Nýi tónlistarskólinn | Reykjavík, RE
Advertisement
10.-11. janúar 202610.00-16.00
Á sal Nýja Tónlistarskólans
Grensásvegi 3-5 Reykjavík
Dýnamískt, leikandi og praktístkt námskeið, þar sem farið verður ofaní kjölinn á skemmtilegum og einföldum ferlum sem gera lærðum sem leiknum kleift að semja saman nýja tónlist. Námskeiðið hentar öllum þeim sem kenna, iðka eða nýta tónlist í starfi sínu og hafa áhuga á að efla hinn skapandi þátt.
Haustnámskeið í skapandi tónlistarstjórnun eru sívinsæll liður í upphafi nýs starfsárs hjá tónlistarkennurum, tónmenntakennurum og stjórnendum kóra og hljómsveita. Tímanum verður skipt á milli praktískra ferla og umræðna, þar sem hópurinn mun kryfja viðfangsefnin, spyrja spurninga og ræða hvernig hægt væri að þróa efnivið áfram og aðlaga að þeirra eigin starfsumhverfi.
Hópurinn mun á stundum vinna saman sem ein heild eða skiptast niður í smærri einingar, fyrir stutt verkefni sem kynnt verða jafnóðum.Samfélagið sem myndast á þessum dínamísku og skemmtilegu námskeiðum er nánast jafn mikilvægur liður og verkefnin, en þar hittast fagaðilar frá hinum ýmsu hliðum tónlistarstarfs á Íslandi og bera saman bækur sínar.
Dæmi um viðfangsefni:
• Upphitunaræfingar
• Rhythmaæfingar
• Söngspuni
• Hópeflisæfingar
• Tónsmíðaferli útfrá gefnum upphafspuntkum
Námskeiðsgjald 45.000kr.-
Skráning fer fram á [email protected]
• Hægt er að sækja um styrki frá endurmenntunarsjóðum stéttarfélaganna.
Um leiðbeinandann:
Sigrún Sævarsdóttir-Griffiths er tónlistarkona, kennari á háskólastigi og stjórnandi samfélagsmiðaðra tónlistarverkefna víðs vegar um Bretland, Evrópu, Bandaríkin og Asíu.
Sigrún er stofnandi, framkvæmdastjóri og listrænn stjórnandi MetamorPhonics sem er samfélagsmiðað tónlistarfélag. MetamorPhonics rekur einstök tónlistarverkefni fyrir fólk í endurhæfingu og heimilislausa samfélagið í samstarfi við listastofnanir og háskóla í Bretlandi og á Íslandi. Sigrún er gestakennari við Listaháskóla Íslands og hefur stýrt sjálfstæðum námskeiðum fyrir tónlistarkennara og hljómsveitarstjóra í Reykjavík ár hvert síðan 2006. Sérsvið Sigrúnar er að leiða skapandi starf með viðkvæmum hópum fólks, sérstaklega á sviði geðheilbrigðis, endurhæfingar fullorðinna og með meðlimum heimilislausa samfélagsins.
Í 12 ár var Sigrun fagstjóri Masters in Leadership meistaranámsins við Guildhall School of Music and Drama, þar sem hún er nú fagstjóri Social Arts Practice valgreina á BA og MA stigi við tónlistardeild.
Sigrún var einn stofnfélaga og leiðbeinenda hins margrómaða Guildhall Connect, samfélagsmiðaðs verkefnis Guildhall Listaháskólans, sem hlaut The Queen's Award árið 2005. MetamorPhonics með Kordu Samfóníu í fararbroddi- var tilnefnd til Íslensku tónlistarverðlaunanna árið 2022 og handhafi hvatningarverðlaunanna árið 2023. Árið 2025 varð Sigrún þess heiðurs aðnjótandi að hljóta The Keith Hutton Award frá The Worshipful Company of Educators í Bretlandi, fyrir frumkvöðlastarf og innblástur í kennslu í sviðslistum en Sigrún var tilnefnd til verðlaunanna af yfirstjórn Guildhall School of Music and Drama.
Sigrún trúir staðfastlega á mikilvægi þess að allir hafi tækifæri til tónlistariðkunnar og aðgengi að listum, og að listastarf sé það afl sem auðgi líf einstaklingsins og geri samfélögum kleift að koma saman, stuðli að umburðarlyndi, jákvæðni og samkennd.
Advertisement
Where is it happening?
Nýi tónlistarskólinn, Grensásvegur 3, 108 Reykjavíkurborg, Ísland, Reykjavík, IcelandEvent Location & Nearby Stays:
Know what’s Happening Next — before everyone else does.
