Vatnaskógur að vori 2026

Name: Vatnaskógur að vori 2026
Start: 2026-05-08T16:00:00+00:00
End: 2026-05-10T16:00:00+00:00
Location: Vatnaskógur

Schedule

Fri, 08 May, 2026 at 04:00 pm to Sun, 10 May, 2026 at 04:00 pm

UTC+00:00

Location

Vatnaskógur | Reykjavík, RE

Við endurtökum leikinn - fósturfjölskylduhelgi í Vatnaskóg verður haldin að vori 2026, helgina 8.-10. maí.
Frábær helgi í fallegu umhverfi. Stútfull dagskrá af gleði og glaum fyrir þau yngri og fræðslu og félagsskap fyrir þau eldri. Við birtum nánari dagskrá þegar nær dregur en ýmislegt ber á góma í Vatnaskógi og í fortíðinni höfum við fengið leikhóp til okkar, blaðrarann, spilavini og fræðslu fyrir fullorðna fólkið ásamt allri hinni hefðbundnu dagskrá sem Vatnaskógur hefur upp á að bjóða.

Skráning fer fram hjá Vatnaskógi en er ekki enn opin, við vísum á skráningu um leið og hún opnar. Athugið að helgin er eingöngu fyrir félagsfólk í Félagi fósturforeldra og fjölskyldur þeirra (ömmur og afar velkomin).
Verðskrá Vatnaskógs fyrir árið 2026 hefur ekki litið dagsins ljós og því er enn óstaðfest hvað helgin mun kosta. Við munum uppfæra upplýsingar um verð þegar slíkt er komið frá Vatnaskógi. En árið 2025 kostaði helgin 16.900 kr. á mann en frítt er fyrir 6 ára og yngri. Hámarksverð fyrir fjölskyldu var svo 48.500 kr. Athugið að verð birtist sem 0 kr. við skráningu en Vatnaskógur sendir greiðsluhlekk til þeirra sem skrá sig eftir á.

Á staðnum er frábær gistiaðstaða. Hver fjölskylda fær sitt eigið herbergi en þarf að taka með sér lök, sængur/svefnpoka og kodda, góð útiföt fyrir öll veður og góða skapið. Annað er á staðnum.

Starfsfólk Vatnaskógs sér um að útbúa ljúffengan mat í öll mál en 5 máltíðar eru framreiddar á laugardegi. Mikilvægt er að skrá allar þarfir tengdar fæðu í skráningarkerfi Vatnaskógs.