Taith Hanes Menywod: Canol Dinesig Caerdydd

Taith dywys yn edrych ar hanes menywod Caerdydd, yng nghwmni Sara Huws o Gasgliadau Arbennig ac Archifau Prifysgol Caerdydd.
About this Event

Mae Parc Cathays yn gartref i brif Gampws y Brifysgol, yn ogystal â Neuadd y Ddinas, adeiladau’r Llywodraeth a’r Amgueddfa – ardal sy’n gysylltiedig â dynion pwerus hanes y brifddinas.

Ond edrychwch yn ofalus, a mi welwch bod hanes menywod ym mhobman, yn ffabrig ein gofodau dinesig. O ymgyrchwragedd i gerddorion, swffragetiaid i wyddonwragedd - mae'r daith hon yn rhoi cip i chi ar hanes menywod Caerdydd.

Mae hon yn daith sy'n para tua 60 munud wrth gerdded yn hamddenol. Gellid ei gwneud yn daith ddi-risiau yn rhwydd - rhowch wybod i'r arweinydd taith os hoffech chi wneud hyn.

Man cychwyn y daith fydd tu allan i fynedfa Prif Adeilad Prifysgol Caerdydd, ar ochr Park Place. Mi fyddwn ni'n gadael y llwybr am gyfnod byr, felly dewch mewn esgidiau addas i gerdded ar laswellt.