Sunnudagur fyrir sálina - Valerie Fritz flytur einleiksverk fyrir selló

Name: Sunnudagur fyrir sálina - Valerie Fritz flytur einleiksverk fyrir selló
Start: 2026-05-10T11:00:00+00:00
End: 2026-05-10T11:30:00+00:00
Location: Mannréttindahúsið

Schedule

Sun May 10 2026 at 11:00 am to 11:30 am

UTC+00:00

Location

Mannréttindahúsið | Reykjavík, RE

Sunnudagur fyrir sálina - opnir tónleikar í Mannréttindahúsinu
Valerie Fritz flytur einleiksverk fyrir selló.
10. maí kl. 11:00-11:30
Austurríski sellóleikarinn Valerie Fritz flytur undurfalleg einleiksverk fyrir selló í sal Mannréttindahússins í Sigtúni.
Tónleikarnir eru um 30 mínútna langir, aðgangur er ókeypis og öll hjartanlega velkomin á meðan húsrúm leyfir.
Johann Sebastian Bach (1685 – 1750)
Þættir úr einleikssvítu númer 2 fyrir selló
Benjamin Britten (1913 – 1976)
Úr Sólósvítu númer 3
George Crumb (1929 – 2022)
Úr Sónötu fyrir einleiksselló
Matthias Barolomey (f. 1985)
Fernambuk
Í samstarfi við Hörpu og ECHO RISING STARS
—
Sellóleikarinn og tónlistarkonan Valerie Fritz er 29 ára gömul, fædd í Tyrol í Austurríki árið 1997. Hún nam sellóleik í Salzburg og á nú þegar að baki farsælan feril sem einleikari og túlkandi kammertónlistar. Hún hefur vakið athygli fyrir einkar frjótt og persónulegt verkefnaval og framúrskarandi sellóleik en hún hefur lagt mikla rækt við flutning nýrrar tónlistar og starfað náið með tónskáldum samtímans.
Valerie Fritz var í hópi ungs tónlistarfólks sem ECHO, samtök evrópskra tónlistarhúsa – völdu til að koma fram á tónleikum víðs vegar um álfuna veturinn 2025 – 2026. Verkefnið gengur undir heitinu ECHO Rising Stars.
Eftirfarandi tónlistarhús tilnefndu Valerie: Elbphilharmonie í Hamborg, Bozar í Brussel, Casa da Música í Porto, Kölner Philharmonie í Köln, Konzerthaus Dortmund og Musikverein Wien í Vínarborg.