Nasjonal mentornettverkssamling: Førebygging av radikalisering og valdeleg ekstremisme

Name: Nasjonal mentornettverkssamling: Førebygging av radikalisering og valdeleg ekstremisme
Start: 2026-05-20T09:00:00+02:00
End: 2026-05-20T15:30:00+02:00
Location: Vestre Strømkaien 13, 5008 Bergen, Norge

Schedule

Wed May 20 2026 at 09:00 am to 03:30 pm

UTC+02:00

Location

Vestre Strømkaien 13, 5008 Bergen, Norge | Bergen, HO

RVTS inviterer til nasjonal mentornettverkssamling om førebygging av radikalisering og valdeleg ekstremisme.
Målgruppe:
Arrangementet er for utskolerte mentorar og fagpersonar frå RVTS Vest sin nasjonale fagopplæring og andre som arbeider i eller med mentorordningar der radikalisering og valdeleg ekstremisme er tema.
Du kan delta enten fysisk eller digitalt. Velg deltaking i påmeldingsskjema.
Pris:
Gratis
Målsetting:
Fagleg påfyll, erfaringsdeling og nettverksbygging på tvers av profesjonar og regionar.
Forelesere:

David Hansen (ph.d.) er professor i sikkerheit ved Kriminalomsorgens høgskole og utdanningssenter (KRUS). David har doktorgrad og hovudfag frå Universitetet i Oslo, som begge dekkjer felta radikalisering og valdeleg ekstremisme. Han har drive omfattande forsking og arbeidd med problemstillingar knytte til radikalisering, ekstremisme og terrorisme i nær 25 år, dei siste ti åra med særleg vekt på fengselsradikalisering. David har utvikla ei rekkje kurs og undervisningsopplegg, og har mellom anna hatt hovudansvaret for å etablere ei mentorordning for kriminalomsorga. Han er forfattar av fleire artiklar og ein monografi om radikalisering, valdeleg ekstremisme og internasjonal terrorisme. David er del av fleire ekspertgrupper og rådgjevande styringsorgan på ekstremismefeltet, mellom anna som medlem i panel 2: fengsel og friomsorg i EU Knowledge Hub on Prevention of Radicalisation.

Elisabeth Harnes er rådgivar og prosjektleiar ved RVTS Vest og har master i religionsstudiar, migrasjon, familie og psykoterapi. Ved RVTS Vest er ho prosjektleiar for radikalisering, valdeleg ekstremisme og æresmotivert vald, og har mellom anna leia den nasjonale fag- og mentoropplæringa om radikalisering og valdeleg ekstremisme sidan 2015. Ho har lang og brei erfaring frå terapeutisk arbeid med sosialt marginaliserte grupper, inkludert exit- og re‑integreringsarbeid, samt arbeid med flyktningar og asylsøkjarar – både i Noreg og internasjonalt. Elisabeth er medredaktør av boka Innsats mot ekstremisme i teori og praksis (2025) og har skrive fleire vitskaplege bidrag på feltet. Ho er medlem i panel 5: einslege aktørar og mental helse i EU Knowledge Hub on Prevention of Radicalisation.

Anders Lundesgaard er klinisk psykologspesialist med lang erfaring frå arbeid med behandling av komplekse traume hos barn, unge og vaksne, samt klinisk arbeid med flyktningar. I tillegg har Anders brei undervisningserfaring på ulike fagområde. Ved RVTS Nord har han ansvar for prosjektet ekstremisme og radikalisering, samt for prosjektet Fokus på hjelparar. Anders har òg skrive fleire bokkapittel, og den nyaste utgjevinga er kapitlet Frå individuelle og kollektive traume til valdeleg ekstremisme, skrive saman med Elisabeth Harnes i fagantologien Innsats mot ekstremisme i teori og praksis (Fagbokforlaget, 2025).

Øyvind Heen Ottesen er psykolog med lang erfaring frå arbeid med ungdomskriminelle ved ungdomseininga i Bjørgvin fengsel, og jobbar no som stipendiat der han forskar på risikovurderingsverktøyet YEARSS – The Youth and Emerging Adults Risk and Strength System, ei utviklingssensitiv vidareutvikling av HCR‑20 V3, ved Regionalt kompetansesenter for sikkerheits-, fengsels- og rettspsykiatri (SIFER), Helse Bergen.

Anniken Hope er prosjektleiar for digitalt oppsøkjande arbeid ved Utekontakten i Bergen. Ho leier arbeidet med å kartleggje korleis radikaliseringsprosessar og rekruttering til ekstremistiske og valdelege miljø utspelar seg på digitale plattformer. Gjennom systematisk analyse av digital retorikk, symbolbruk og rekrutteringsmetodar er målet å styrkje eige og andre instansar sitt kunnskapsgrunnlag i møte med desse utfordringane.

Gudmund Waaler er prest, forskar og forfattar, og har sidan 2019 vore domprost i Bergen domprosti. Fram til 2019 var han sjefsprest i Sjøforsvaret, og tidlegare prest, forskar og lærar ved Sjøkrigsskolen med doktorgrad i teologi.
Waaler har forska på korleis soldatar handterer stress, skuld og etiske utfordringar knytte til bruk av vald i internasjonale militæroperasjonar, mellom anna basert på erfaringar frå Afghanistan. I 2019 skreiv han boka Voldsbruk og livsfare (Cappelen Damm Akademisk), som dokumenterer reaksjonar og krigserfaringar hos norske og svenske soldatar frå Afghanistan.
Suhel Miah er ein britiskbasert fagperson innan førebygging av valdeleg ekstremisme (CVE), med lang erfaring frå førstelinjearbeid med personar som er sårbare for radikalisering og ekstremisme. Arbeidet hans har omfatta eit breitt ideologisk spekter, inkludert islamistisk ekstremisme, høgreekstreme ideologiar, samansette og ustabile tankesett, samt personar med fikseringar knytte til vald, masseskytingar, attentat, stalkingåtferd og skadelege nettbaserte subkulturar.
Eit betydeleg fokus i arbeidet hans har vore støtte til nevrodivergente personar, både med og utan diagnose, med særleg spesialisering innan autisme og utvikling av effektive intervensjonsstrategiar tilpassa nevrodiverse uttrykk. Han har omfattande erfaring med individuelt oppfølgingsarbeid med både ungdom og vaksne, i tillegg til familieorienterte tiltak og arbeid med personar i risiko for å hamne i strafferettsapparatet.
Suhel har omfattande erfaring med å arbeide med personar i ulike fasar av radikaliseringsprosessar, inkludert individ identifiserte som i risiko, personar under etterforsking for terrorrelaterte forhold og personar dømde for terrorlovbrot. Dette har gitt han brei operasjonell erfaring med førebyggings-, beskyttelses- og sikringstiltak, samt oppfølging etter soning. I det daglege arbeidet har han handtert komplekse saker prega av sårbarheit, ideologi, påverknad frå nettmiljø og åtferdsrelaterte risikofaktorar.