Inngangur að fasteignakaupum: Námskeið fyrir ungt fatlað fólk um fyrstu skref á fasteignamarkaði

Name: Inngangur að fasteignakaupum: Námskeið fyrir ungt fatlað fólk um fyrstu skref á fasteignamarkaði
Start: 2025-11-12T17:00:00+00:00
Location: Mannréttindahúsið

Schedule

Wed, 12 Nov, 2025 at 05:00 pm

UTC+00:00

Location

Mannréttindahúsið | Reykjavík, RE

Finnst þér fasteignamarkaðurinn algjör frumskógur og vantar leiðsögn um hvað skal hafa í huga? Þá er þetta námskeið fyrir þig!
UngÖBÍ heldur námskeið fyrir ungt fatlað fólk (18-35 ára) um flækjur fasteignamarkaðarins miðvikudaginn 12. nóvember frá 17:00 til 19:30 í Mannréttindahúsinu, Sigtúni 42.
Fasteignakaup eru einhver stærsta fjárfestingin sem maður gerir um ævina. Leiðin að fyrstu íbúðarkaupunum er löng, brött og flókin. Ráslínan er ekki jöfn og dæmi eru um að fatlað fólk eigi mun erfiðara með að kaupa fyrstu fasteign en aðrir.
Björn Berg, sérfræðingur á fjármálamarkaði og ráðgjafi, stýrir námskeiðinu og fer yfir það helsta sem þarf að hafa í huga fyrir kaup á fyrstu fasteign. Ungt fatlað fólk er fjölbreyttur hópur og því er lögð áhersla á að skoða ólíkar leiðir.
Námskeiðið er tilvalið fyrir þau sem eru að huga að næstu skrefum í húsnæðismálum og vilja bæta skilning sinn á frumskógi fasteignamarkaðarins.
Skráningargjald er 900 kr. og verður þátttakendum boðið upp á léttar veitingar í hléi.
Takmarkaður fjöldi sæta í boði.
Hægt er að ganga frá skráningu í gegnum hlekkinn hér að neðan:
https://www.obi.is/skraning-inngangur-ad-fasteignamarkadi/
Hlökkum til að sjá ykkur!