Góðgerðartónleikar Unu Torfa og Barnaheilla

Name: Góðgerðartónleikar Unu Torfa og Barnaheilla
Start: 2025-09-28T17:00:00+00:00
Location: Hamraborg 6, 200 Kópavogur, Iceland

Schedule

Sun, 28 Sep, 2025 at 05:00 pm

UTC+00:00

Location

Hamraborg 6, 200 Kópavogur, Iceland | Kopavogur, GU

Barnaheill – Save the Children á Íslandi og Una Torfa halda fjölskyldutónleika í Salnum, sunnudaginn 28. september kl. 17:00. Ágóði miðasölunnar rennur til styrktar neyðar- og þróunarstarfi Barnaheilla sem miðar að því að vernda börn gegn ofbeldi.
Una Torfa er lagasmiður og söngkona úr Vesturbænum sem semur lög á íslensku um ástir, höfnun, hjartasár og hamingju. Hún fangar nákvæmar tilfinningar og kemur þeim í orð, finnur lítil augnablik og hverfular hugmyndir og festir þær í textum. Laglínurnar dansa í takt við textana sem Una syngur á meðan hún spilar á gítar og píanó.
Tónleikarnir eru haldnir í tengslum við árlega haustsöfnun Barnaheilla þar sem lyklakippur, framleiddar í Síerra Leóne, verða seldar víðsvegar um landið dagana 25. september til 6. október. Lyklakippurnar eru tákn um samstöðu, manngæsku og viljann til að hjálpa.
Við sjáum fordæmalausan niðurskurð til mannúðaraðstoðar á sama tíma og þörfin hefur aldrei verið meiri. Stærstu ríki heims hafa dregið úr framlögum til mannúðarmála og sett aukið fjármagn í varnarmál. Þessi niðurskurður hefur skelfilegar afleiðingar fyrir börn um allan heim.
Barnaheill eru frjáls félagasamtök sem stofnuð voru á Íslandi árið 1989. Samtökin eru hluti af alþjóðasamtökum Save the Children, hafa verið starfrækt frá árinu 1919 og gert áþreifanlegt gagn um allan heim við að gæta réttinda allra barna. Helstu baráttumál Barnaheilla eru forvarnir gegn hvers kyns ofbeldi á börnum.