Միսաք Խոստիկյան․ անհատական ցուցահանդես / Misak Khostikyan: solo exhibition
Schedule
Fri, 08 May, 2026 at 07:00 pm
UTC+04:00Location
Dalan Art Gallery, 12 Abovyan street, 0010 Yerevan, Armenia | Yerevan, ER
Advertisement
Ճարտարապետ Միսաք Խոստիկյանը կտավի սպիտակ մակերեսն ընկալում է որպես ազատագրված տարածք, որտեղ ճարտարապետական մտածողությունը կարելի է փորձարկել, ճկել և վերաիմաստավորել։ 2023–2025 թվականներին ստեղծված այս հիմնականում աբստրակտ աշխատանքները հանդես են գալիս որպես ֆրագմենտներ՝ ակնարկելով կտավի սահմաններից դուրս մնացած ավելի մեծ ամբողջություններ։ Դրանք արտացոլում են մանրամասների նկատմամբ նրբազգաց ուշադրություն՝ ուսումնասիրելով հոսուն, երբեմն օրգանական, երբեմն՝ մաթեմատիկական կամ աստղաբանական կորեր հիշեցնող ձևեր, որոնք չունեն հստակ սկիզբ և ավարտ և հաճախ դուրս են սահում պատկերի սահմաններից։Այս գործերում ձևավորվում է լարվածություն ֆորմատի և պատկերային կառուցվածքի միջև․ երկչափ ֆիգուրացիաները երբեմն ասես չեն տեղավորվում իրենց սահմաններում՝ հղում անելով դրանցից դուրս շարունակվող տարածության գաղափարին։ Մի կողմից՝ սպիտակ կտավն է ընկալվում որպես ֆոն գունային զանգվածների համար, մյուս կողմից՝ հենց այդ գունային ձևերն են դառնում ֆիգուր՝ սպիտակ մակերեսի նկատմամբ՝ տարածվելով և կարծես շարունակվելով ցուցասրահի իրական միջավայրում։ Այս փոխակերպումները ձևավորում են ֆիգուրի և ֆոնի անընդհատ փոխադարձ անցումներ՝ ստեղծելով դիտման բազմաշերտ փորձառություն։
Վառ գույների և գեղանկարչական քսվածքների կիրառումը վկայում է այն մասին, որ արվեստագետի ձգտումը դեպի գեղանկարչություն պայմանավորված է այն ներքին ազդակներով և երևակայական աշխարհով, որոնք տեղ չեն գտել իր ճարտարապետական գործունեության շրջանակում։ Միևնույն ժամանակ, այս շարքը դառնում է փորձարարական հարթակ, որտեղ համադրվում են մի կողմից օպտիկական կազմակերպման և վերահսկելիության ձգտումը, մյուս կողմից՝ նյութի ազատ, գրեթե անկանոն կիրարկումը։ Ձևերը կրում են ժեստային, երբեմն անկանոն շարժումների հետքեր՝ պահպանելով իրենց ինքնուրույնությունը և միաժամանակ մնալով ավելի մեծ պատկերի մաս։
Չնայած հիմքում ընկած ճարտարապետական մտածողությանը՝ այս աշխատանքները նախևառաջ գեղանկարչական փորձարկումներ են։ Այստեղ «ճարտարապետական» էսքիզները վերածվում են հոսուն, փոփոխական կառուցվածքների, իսկ պատկերը չի ձգտում ամբողջականության կամ ավարտվածության պատրանքի։ Ընդհակառակը՝ այն բաց է մնում, ներառելով խոցելիություն, տատանումներ և ներքին լարվածություններ։ Այս կերպ արվեստագետը ստեղծում է նոր տեսակի կառուցվածքներ, որոնց անկայունությունն ու փոփոխականությունը ձևավորում են յուրօրինակ, երբեմն գայթակղիչ, երբեմն՝ անհանգիստ տեսողական միջավայր։
Եվա Խաչատրյան
Advertisement
Where is it happening?
Dalan Art Gallery, 12 Abovyan street, 0010 Yerevan, Armenia, Աբովյան փողոց 12, Երեւան, Հայաստան, Yerevan, ArmeniaEvent Location & Nearby Stays:
Know what’s Happening Next — before everyone else does.
![\u10e1\u10dd\u10db\u10ee\u10d4\u10d7\u10d8: \u10d4\u10e0\u10d4\u10d5\u10d0\u10dc\u10d8\/\u10e1\u10d4\u10d5\u10d0\u10dc\u10d8\/\u10d2\u10d0\u10e0\u10dc\u10d8 \u10d3\u10d0 \u10e1\u10ee\u10d5\u10d0 [9-10 \u10db\u10d0\u10d8\u10e1\u10d8]](https://cdn-ip.allevents.in/s/rs:fill:500:250/g:sm/sh:100/aHR0cHM6Ly9jZG4tYXouYWxsZXZlbnRzLmluL2V2ZW50czIvYmFubmVycy80NmE3YWRkZDBhYWMxYjU3MWNhOWJmMTZhMTM5ZmI5ZTUxOTA1ZjFkNDljMTI1ZTU0ZGZiZjU0YTgwZTAxNzE2LXJpbWctdzEyMDAtaDYwMC1kYzE5MzM0ZS1nbWlyP3Y9MTc3NjkxMjMyMA.avif)
