Útgáfutónleikar kammerkórsins Huldar | Langholtskirkju

Name: Útgáfutónleikar kammerkórsins Huldar | Langholtskirkju
Start: 2026-05-23T14:00:00+00:00
Location: Langholtskirkja

Schedule

Sat, 23 May, 2026 at 02:00 pm

UTC+00:00

Location

Langholtskirkja | Reykjavík, RE

📯Útgáfutónleikar kammerkórsins Huldar📯
23. maí - klukkan 14:00
Kirkjan opnar 13:30
Á tónleikunum verður hlé með léttum veitingum.
Almennt miðaverð er 3900 kr
Námsmenn og öryrkjar 2900 kr
Ókeypis fyrir 12 ára og yngri
Miðasala fer fram á tix:
https://tix.is/event/21508/utgafutonleikar-kammerkorsins-huldar
(🇬🇧/🇺🇸 BELOW)__________
Í tilefni af útgáfu fyrstu plötu sinnar, ‘Í fossgljúfri’, efnir kammerkórinn Huldur til stórtónleika í Langholtskirkju laugardaginn 23. maí n.k. klukkan 14:00. Kórinn mun flytja dagskrá stútfulla af nýrri íslenskri kórtónlist, þorri hennar eftir ung tónskáld innan kórsins. Ekki verður einungis boðið upp á ljúfa tóna því gert verður stutt hlé á tónleikunum þar sem gestir geta fengið sér kaffibolla og aðrar léttar veitingar að kostnaðarlausu í safnaðarheimili kirkjunnar.
Diskurinn, sem ber yfirskriftina ‘Í fossgljúfri’, hefur að geyma hinn draumkennda íslenska sagnaheim. Þar bregður fyrir tröllum, afturgöngum, afskornum tám og andlitum á glugga; álfareiðum, reiðum álfum og ástum manna og álfa á milli. Tónleikarnir koma í kjölfar tónleikaferðar kórsins í tilefni útgáfu hljómdisksins. Ferðin hefst í Stykkishólmi 14. maí. Síðan heldur kórinn norður og heldur tónleika í Akureyrarkirkju föstudaginn 15. maí. Þá eru tónleikar í Borgarneskirkju 17. maí og loks eru það sjálfir útgáfutónleikarnir, nær heimahögunum, í Langholtskirkju laugardaginn 23. maí.
Diskurinn verður til sölu (posi á staðnum) í hléinu og að tónleikum loknum. Hljómdiskurinn var unnin að hluta með styrk frá Tónlistarsjóði og upptökusjóði STEFs.
Við hvetjum ykkur að koma og hlýða á nýja tóna! Hlökkum til að sjá sem flesta!
UM KÓRINN:
Kammerkórinn Huldur var stofnaður af Hreiðari Inga Þorsteinssyni haustið 2021. Á skammri ævi hefur kórinn haldið fjölda tónleika, að jafnaði ferna á ári, og frumflutt hátt í fimmtíu ný íslensk kórverk. Hann hefur einnig verið dýrmætur vettvangur fyrir ungt fólk til að spreyta sig á tónsmíðum, ljóðagerð, einsöng og kórstjórn. Huldur hefur komið fram á ýmsum hátíðum: Unglist, Hátíðni á Borðeyri, kammertónlistarhátíðinni Seiglu, Óperudögum, Sönghátíð í Hafnarborg, Myrkum músíkdögum og Ungkórahátíð Evrópu (EJCF) sem haldin er annað hvert ár í Basel. Kórinn hefur einnig unnið með Sinfóníuhljómsveit Íslands og stigið á kórpalla með Graduale Nobili, Ægisif, Kór Hallgrímskirkju, Dómkórnum og svo vitaskuld Kór Menntaskólans við Hamrahlíð.
En þetta nafn, hvað á það að þýða? Huldurin er kynjavera úr íslenskri þjóðtrú sem dvelur í fossum, lækjum eða jafnvel á hafsbotni og merkir nafnið ‘hin hulda’. Vætturin er mönnum frekar til meins en gagns. Ein slík frásögn finnst í þjóðsagnasafni Ólafs Davíðssonar. Þar eru munnmæli frá Rangárvallasýslu að menn tryðu að vættur, huldurin, byggi bak við fossa. Móðir sögumanns trúði því að huldur tæki menn sem væru úti seint á kvöldin við fossinn í Tjörvastaðalæk sem rennur í Ytri-Rangá. Sama trú á huldir í fossum var á Seljalandsfossi og austur í Skaftafellssýslu. Eflaust fannst þessi þjóðtrú víðar um land enda hefur vætturin verið yrkisefni margra íslenskra skálda í gegnum tíðina. Þar má nefna tvö ljóð sem koma fyrir á disknum, þ.e. ‘Huldur’ eftir Grím Thomsen og ‘Bláir eru dalir þínir’ eftir Hannes Pétursson. Hjá Grími dvelur hún djúpt í hafi og knýr öldur fram með langspili, fiðlu og söng. Í ljóði Hannesar um dalina bláu má hins vegar finna huldina í fossgljúfrinu líkt og í þjóðtrúnni. Þar greypir hún sólarljósið sjálft í vatnsdropa fossins – „saumar sólargull í silfurfestar vatnsdropanna“.

___________________________________
🇬🇧/🇺🇸 ENGLISH TRANSLATION 🇬🇧/🇺🇸
Huldur Chamber Choir will host a concert for its premier album, ‘Í fossgljúfri’, at Langholtskirkja on Saturday the 23rd of May at 14:00. The choir will perform a packed programme of new Icelandic choral music, most of it written by young composers within the choir. There will be a short intermission in the concert where guests are welcome to enjoy some refreshments and coffee, free of charge.
The album, ‘Í fossgljúfri’, is a journey through the dreamlike landscape of Icelandic oral and choral tradition. On that journey you will hear of trolls, the undead, cut off toes, love between man and elf and eery faces on the window. The concert is the last of four on the choirs tour for the release of the album. The tour starts in Stykkishólmur on the 14th, then the choir will go north and host a concert in Akureyrarkirkja on the 15th of May. Then on the way back there is a concert in Borgarneskirkja on the 17th and finally a grand release-concert in Reykjavík at Langholtskirkja on the 23rd of May.
The album will be for sale in the intermission and after the concert.
We urge you to come and listen and buy the album and we look forward to seeing you!
ABOUT US:
Huldur was founded in 2021 by Hreiðar Ingi Þorsteinsson. In the choirs short life it has become a vital part of the tapestry of choirs in Reykjavík. Huldur has held around four concerts each year and premiered around 50 pieces of new Icelandic choral music. The choir has also been an important place for young people interested in music to try their hand at composition, poetry, solo singing and conducting. Last summer Huldur was invited, along with 17 other choirs from all over the world, to perform at the European Youth Choir Festival (EJCF) which is held every two years in Basel, Switzerland.
But that name, what does it mean? Huldur is a being of Icelandic (and Scandinavian) folklore that dwells in waterfalls, rivers and even on the bottom of the ocean. The name can be translated to ‘the hidden’ or ‘the covered’ and huldir (plural form) are usually malevolent beings. One such story can be found in a collection of oral histories which Ólafur Davíðsson compiled. There is on story from the south of Iceland about a belief that the huldur would take people that were traveling at late hours around the waterfall. Similar folklore was widespread around Southeast Iceland and probably further afield. Many Icelandic poets have used the figure of the huldur in their writings. Two such poems are on the album, ‘Í fossgljúfri’, the first is called ‘Huldur’ by Grímur Thomsen and the second ‘Bláir eru dalir þínir’ by Hannes Pétursson. In Grímur’s poem the huldur lives deep in the ocean and controls the billowing ocean with her langspil, fiddle and voice. In Hannes Péturson’s poem, like in the folklore, she lives in the waterfall sewing sunlight into the droplets of the waterfall.