Tur til Fjærland: Open dag på Vevstova på Skeide i Fjærland

Name: Tur til Fjærland: Open dag på Vevstova på Skeide i Fjærland
Start: 2025-09-27T11:00:00+02:00
End: 2025-09-27T16:00:00+02:00
Location: Fjærlandsfjorden, 6848 Sogndal, Norge

Schedule

Sat Sep 27 2025 at 11:00 am to 04:00 pm

UTC+02:00

Location

Fjærlandsfjorden, 6848 Sogndal, Norge | Førde, SF

I samarbeid med Voss Husflidslag arrangerer me tur til open dag i Vevstova på Skeide i Fjærland.
Om det er av interesse og me er mange nok, kan me organisere felles transport med buss til Fjærland.
Avreise Tinghusplassen kl 08.00, ankomst Fjærland ca kl 11. Lunsj førhandstinging: baguett kr 85,-
Avreise Fjærland kl 14.30.
Om det er ynskje kan me ta ein stopp på Lærdalsmarknaden på vegen heim.
Bindandepåmelding for buss ( kjem attende med pris) og lunsj kr 85;- til [email protected] innan 8.september.
Program for dagen: Arrangør Fjærland sogelag og Vevstova på Skeide.
Kl 13.00 Anne Britt Lotsberg eigar og drivar av Lotsberg veveatelier, utfører no oppdrag for Statsbygg, dvs. restaurering av stoltrekk på Gamlehaugen i Bergen (Sjå magasinet Husflid 01/2025). Ho snakkar her om veven og moglegheiten for å setje igang produksjon
Kl. 13.15 Sven Bjaastad leiar i Fjærland Sogelag, fortel om arbeidet med å flytte veven og setje den i stand.
Kl. 13.30 Aud Ross Solberg konservator på Sogn Folkemuseum, De Heibergske samlinger. Fortel om den tidlige åkle – tradisjonen i Sogn, utviklinga av veving som inntekstkjelde og identitetsmarkør i første halvdel av 1900-talet.
Ordstyrar Hilde Mauritzen forfattar av kulturguiden «Fjærland» (Selja forlag) og oldebarn av Brita og Olaus Dahle, som dreiv hotell og som fekk satt opp storeveven. Brita var med på det første vevekurset i Lærdal i 1894, og var ei av føregangskvinnene for at veving i Fjærland fekk eit oppsving.
Huseigar Brita Distad Frækaland, pensjonert lærar og ivrig biletveverske, stiller med kaffe og svele. Her får de og sjå innsamla åklevev, smettevev i aksjon, og trearbeid ved Einar Distad.
Stikkord for dagen: Smettevev frå Fjærland, mønster, kven vevde? Kven tok vare på historia om veving? Hotellet solgte tepper for eksport til cruiseturistar allereie i mellomkrigstida. Storveven frå Hotel Mundal måler 5,7 meter i bredde og ha vore lagra i eit uthus fram til no. Det måtte sju mann til for setje den opp i Vevstova på Skeide
Inngangspenger kr 100 – pr pers. inkl kaffi og svele
kontakt for meir informasjon Hilde Mauritzen tlf 95271030
Vel møtt!