Skip með sjö seglum - BB og Kurt Weill

Name: Skip með sjö seglum - BB og Kurt Weill
Start: 2025-09-25T20:00:00+00:00
End: 2025-09-25T22:30:00+00:00
Location: Kaffi Rósenberg, Vesturgötu 3, áður Fríða frænka/Stofan

Schedule

Thu Sep 25 2025 at 08:00 pm to 10:30 pm

UTC+00:00

Location

Kaffi Rósenberg, Vesturgötu 3, áður Fríða frænka/Stofan | Reykjavík, RE

Vegna fjölda áskoranna og almennra gleðiláta verður þessi söngdagskrá endurtekin en síðast var kafuppselt og komust færri að en vildu.
Nístandi fegurð og ljúfsár ljótleiki, ýmiskonar konur sem flestar heita Jenný, heimsósómi Weimar lýðveldisins og Broadway glamúr eftirstríðsáranna koma saman á Kaffi Rósenberg sem bregður sér í gervi tötraknæpu frá fyrri hluta síðustu aldar þegar tónskáldsins Kurt Weill verður minnst í tali og tónum í tilefni af 125 ára afmæli hans og 75 ára ártíð.
Brynhildur Björnsdóttir kabarettsöngkona og Aðalheiður Þorsteinsdóttir píanóleikari með meiru fara yfir magnaðan feril tónskáldsins sem hófst í Berlín fyrir öld með samstarfi þeirra Bertold Brecht og hélt svo áfram á Broadway eftir að Weill flúði gyðingaofsóknir til Bandaríkjanna.
Á tónleikunum verða flutt lög og ljóð frá bæði Berlín og Broadway með viðkomu í Bilbao og Mahagonny, ljóðin flest í dásamlega fallegum þýðingum Þorsteins Gylfasonar.
Tónleikarnir hefjast klukkan átta og aðgangseyrir er 3500 krónur. Miða er hægt að nálgast hér:
https://tix.is/is/event/20238/
Athugið að aðgengi er ekki eins og best verður á kosið í þessu annars frábæra tónleikarými.