Innføring i sprangteknikk

Name: Innføring i sprangteknikk
Start: 2026-06-29T09:00:00+02:00
End: 2026-06-30T16:00:00+02:00
Location: Gjerstad, 5282 Lonevåg, Norway

Schedule

Mon, 29 Jun, 2026 at 09:00 am to Tue, 30 Jun, 2026 at 04:00 pm

UTC+02:00

Location

Gjerstad, 5282 Lonevåg, Norway | Bergen, HO

Bli med på kurs i sprangteknikk!
Sprang er ein samanføyningsteknikk av trådar. Kanskje den eldste samanføyningsteknikken som vi kjennar til i tekstilhistoria.
Hendene arbeider heile tida med å slynge trådane om kvarandre.
Om kurset:
I boka "Sprang, med arbeidsteikngar" (1932) seier Anna Grostøl "å bregde" for prosessen med å slynge trådane om kvarandre.

Kurset vil gi innføring i oppsetting av renning og bruk av z-slynget som er «grunnslynget» i sprang i ein enkel "boge-ramme". Rammen lagar vi i starten av kurset. Ramma er fin å ta med heim for vidare sjølvstudium.

Dersom vi får tid lærer vi oss slynget for hol og bregder Grostøl sin «prøvelapp» (1932).
Z-slyng og hol er grunnteknikken for dei dekorative sprangtekstilane som vi finn igjen som dekorative avslutningar på dukar, gardinar og kykjetekstilar.

Z-slynget og hol er òg slynga som er brukt i utstillinga «Stille klang av samspel» som opner i museet 06.juni og står ut sommaren i Solbjørstova.
Kurset går over to dagar. Det er 8 plassar på kurset.
Kurshaldar:
Vigdis Valde (f. 1971) er lærar, formidlar og kunsthandverkar. Ho har arbeida med lokal ull i variable kvalitetar frå dei eldre sauerasane sidan starten på 2000-talet. Det har utvikla seg til ein sentral del av handverket og kunstnarskapet. Ho spinn trådar og utforskar det tett samanvevde og finstemte samspelet i naturen; landskapet og materiala, som eit større "oss".