Healing Garden Retreat i Valldal

Name: Healing Garden Retreat i Valldal
Start: 2026-06-05T16:00:00+02:00
End: 2026-06-06T19:00:00+02:00
Location: Døvingssida, 6210 Valldal, Norge

Schedule

Fri, 05 Jun, 2026 at 04:00 pm to Sat, 06 Jun, 2026 at 07:00 pm

UTC+02:00

Location

Døvingssida, 6210 Valldal, Norge | Åndalsnes, MR

Vill natur, ein meditativ japansk hage og kurslokale i eit glasdrivhus – her ønsker vi deg velkomen til to dagar med nærvær, indre arbeid og velvære.
På retreatet her i Valldal er alt lagt til rette for å finne ro og næring for kropp og sjel. Vi er tre vener som håper du vil kome delta med heile deg: På gongbad, tommereise, yoga, sauna og smakfull vegetarmat. I tillegg vil du oppleve ei nydeleg helg med gode samtalar og samling rundt leirbålet, overnatte i store glampingtelt innreia med komfortable oppreidde senger.
Det blir tid til å koble av, ta sauna-/kaldtbad, gå tur langs elva eller i skogen, og verdifull eigatid. Det vil bli servert smakfull vegetarmat, te/kaffi/sncks/frukt. I gjestehuset har vi stor finsk sauna som inviterer til avslapping, helse og velvære.
Meretes Garden – Du vil kjenne skuldrane senke seg så snart du sit foten inn på senteret. Eit yogadrivhus ligg tett på ein japansk hage med sildrande vatn og karpedam. Du bur i lekre glampingtelt med oppreidd seng. Du kan site eller ligge i graset, i ein lenestol og sjå opp på mektige fjell, eller vandre ein liten tur ned til ei vakker elv. Retreatdagane handlar det om å sakke litt ned, puste djupt og kjenne på ei varm og nærande kraft frå naturen som omgjev retreatet, og medmennska som kjem saman.
Gullvald – er sjaman og intuitiv coach. Gullvald har arrangert guida meditasjonar og trommereiser i mange år. Gullvald er ein open og raus person som byr på seg sjølv, skaper trygge rom å vere seg sjølv i, er lidelskapeleg i sitt arbeid og elskar jobbe med grupper og gruppedynamikk. I ei trommreise ligg du på ei matte og tek imot guiding. Gjennom kropp og sinn vil du vere med på transformerande reise.
Tina – er utdanna transpormasjons coach, gong master- og terapeut. Tina er særleg var og musikalsk og vil intuitivt vite kva du som deltakar treng. Tina ønsker å nå ut til så mange som mogleg med sine helande vibrasjonar. Når du ligg på matta og er med på ei reise gjennom kropp og sinn så er det ein mange tusen årig gamal tradisjon for personleg utvikling du er med på.
Merete – Yoga og sjølvutvikling er, og har vore viktige delar av livet til Merete i 0ver 20 år. Ho er sertifisert ID-psykoterapeut og yogalærar. Her blir i hovudsak undervist i klassisk yoga, ei roleg og kraftfull yoga med tantrisk tradisjon. Merete inviterer deg til å merke, puste, opne hjartet og gå med i livet.
Merete har bygt opp retreatsenteret frå det som var att av familien sitt gamle gartneri. Retreatet er basert på gjenbruk av bygningar, men det er også bygt nytt gjestehus for å kunne ta imot tilreisande frå nær og fjern.
Fasilitetane: 6 store glampingtelt med plass til 2-4 personar i kvart. Badehus med sauna, lounge, bad og to soverom. Kjøkken og opphaldsrom. Yogadrivhus og japansk hage.
Vi startar opp fredag 5.6 kl.18.00 med trommereise,et eit godt kveldsmåltid saman. Og kanskje sauna til slutt før du legg deg i ei god seng i eit glampingtelt?
Dette kan du vere med på:
Forvandlande trommereise med Gullvald Kløvning
Yoga og meditasjon– leia av Merete Myklebust.
Vidunderleg lydbadmed Tina G. Holmeset.
Finsk badstue.
Fellesmåltid, vegetar.
Møte mange nydelege menneske.
Slappe av på ein vakker plass, tett på elementa.
Programmet vil sjå slik ut:
Fredag 5.6.
Innsjekk frå kl. 16.00
Kl. 18.00 Trommereise og vi ønsker velkomen.
Kl. 19.30 Kveldsmat
Kl. 21.00 Sauna
Laurdag 6.6
Kl. 8.00 Zen walk og morgonstretch yoga
KL. 09.00 frukost
Kl. 10.30 – 12.30 Gongbad
Kl. 13 – 14.0 Lunsj
Kl. 14 – 17.00 Eigatid/sauna/tur/sosialt fellesskap
Kl. 17 – 18.00 Yin yoga m/syngebollar/gongspel
Kl. 18 – 19.30 Tromereise
Kl. 20 -20.30 Middag
Kl. 20.30 Avslutningssirkel. Vi samlast rundt leirbålet for å dele og nyte slappe av i kvarandre sitt selskap. Den som ønsker kan grille, tromme, synge.
7.6
For overnattingsgjester morgonyoga kl. 08.00 Frukost kl. 09.00.
Påmelding/pris:
Fyll ut Booking inne på heimesida, over her. Du får så tilsendt ei lenke for betaling på Vipps, som stadfestar påmeldinga di. Betaling er bindande.
Prisar: Heile retreatet inkl. program, måltid, sauna, 1 overnatting kr. 3600,-.
Pris deltakingsavgift inkl. måltid på fredag og laurdag kr. 2700,-, utan overnatting.
Om du ønsker overnatte til søndag får du bu her til kr. 900,- pr person inkl. frukost og morgonyoga. Totalt kr. 4500,-.
Du kan delta kun på enkeltarrangementa trommereise og gongabad: Trommereise kr. 400,-
Gongbad kr. 400,-.
Om du blir hindra i å delta på noko vis, sørger du sjølv for å selge eller gi vekk plassen din på retreatet. Vi vi hjelpe til formidle billeten vidare. Her er plass til 15 personar.
På dette retreatet inviterer vi deg til å kjenne på di eiga sannhet. Kva betyr det for deg? Vi samskapar eit ope rom der du kan vere både med deg sølv og oss andre på same tid.
Vi ønsker å invitere til eit retreat der det er tid for ærlege møter, sjå kvarandre i augene og kunne koble ut kvardaglseg stress og krav kvar enkelt måtte kjenne på.
Med vakker natur og mykje frisk luft som rammer rundt retreatet vil du ganske raskt kjenne deg heime og i komfortsona her på senteret ved elva Valldøla.
Vi ønsker deg varmt velkomen.
Tina, Merete og Gullvald