Happy New year 🎊

राष्ट्रिय विभूति श‌ङ्खधर साख्वाःले देशभरका जनतालाई ऋणमुक्त पारेर चलाएको संवत् नै नेपाल संवत् हो। यस उपलक्ष्यमा 'न्हूदँया भिन्तुना' भन्दै देशैभरि र विदेशमा समेत भिन्तुना ऱ्याली निकालिन्छ।
नेपाल संवत् चन्द्रमासमा आधारित समयचक्र अथवा साल हो। विक्रम संवतको कात्तिक शुक्ल पक्षको प्रतिपदाका दिन नेपाल संवतको प्रथम दिन पर्दछ। भक्तपुरका राजा राघवदेवको पालादेखि चन्द्रशमशेरको पालासम्म सरकारी कार्यालयमा नेपाल संवत् प्रचलनमा रहेको इतिहास छ।
१२ वटा औंसीको एक वर्ष मापन गरिएको यस संवत्मा एउटा औंसीदेखि अर्को औंसीसम्मको मापनलाई एक महिना मानिएको हुन्छ र ३५४ दिनको एक वर्ष पर्न जान्छ। नेपाल संवत् अनुसारका महिनालाई क्रमशः कछला, थिंला, पोंहेला, सिल्ला, चिल्ला, च्वला, बँछला, तँछला, देल्ला, गुँला, ञला र कौला भनिन्छ।
आधिकारिक रूपमा चलनचल्तीमा यसको प्रयोग बढिरहेको यस संवत्लाई नेपाल सरकारले पनि आधिकारिक मान्यता दिएको छ। नेवारी समुदायमा भने यस प्रचलन रहेको पाइन्छ।
Nepali News Agency #Nepali_News_Agency
#श‌ङ्खधर_साख्वा #राष्ट्रिय_विभूति #नेवारी_समुदाय