Groet die Grotman 2

Vyftien jaar later is Grotman en Elize steeds getroud – maar is hulle steeds gelukkig? Die kinders is nou tieners, Grotman se rookseine het plek gemaak vir WhatsApp, e-posse en sosiale media, maar die verskille tussen mans en vrouens bly onveranderd. In Groet die Grotman 2 kyk Grotman Phillru van Achterbergh met baie humor na die moderne huwelik, waar vrouens steeds die gaarders is en mans die jagters – van ’n bok tot die regte TV-program! “Mans en vrouens lag saam met én vir mekaar,” sê skrywer en regisseur Frans Swart. “Dis amper soos huweliksberading, net met baie meer humor!”