Ejja Nagħmlu Festa bil-Kantilena

Kważi sena ilu, il-Kantilena ġiet iskritta fir-Reġistru tal-Memorja tad-Dinja tal-UNESCO, tragward importanti għall-wirt dokumentarju u għall-istorja tal-ilsien Malti.
Biex infakkru dan l-anniversarju, bi sħab mad-Dipartiment tal-Malti fl-Università ta’ Malta, qed norganizzaw taħdita speċjali ddeddikata għal dan it-test straordinarju.
Titlu: Ejja nagħmlu festa bil-Kantilena
Kelliem: Dr Olvin Vella
Lingwa: Malti
Data: Il-Ħamis, 16 ta’ April
Ħin: 18:00
Post: L-Arkivju tar-Reġistri Nutarili, 217, Triq San Pawl, il-Belt Valletta
Taqsira:
Nitolbukom taqraw il-Kantilena minn qabel, jekk qatt ma qrajtuha. U mbagħad ħalluna nġorrukom aħna u nsemmu l-karigi politiċi fil-Medjuevu, kemm waqa' bini għax ma kinux jagħmlu t-testijiet tal-blat, x'erba' espressjonijiet kellhom, kemm il-kliem jibdel it-tifsira tiegħu, kemm il-ħoss tal-Malti kien ferm differenti minn tal-lum, u kemm daħqitilna xortina meta xi ħadd, forsi bi żball, illega manetta kważi vojta mal-bqija tal-manetti li kellhom il-kuntratti u t-testmenti.

Id-dħul huwa bla ħlas, iżda l-postijiet huma limitati. Reġistrazzjoni meħtieġa.

Għal dan l-anniversarju speċjali, ħejjejna numru limitat ta’ stampi tal-Kantilena ta’ daqs A3 (297 x 420 mm) fuq karta fotografika ta’ kwalità għolja, li jiġu f’tubu protettiv. Il-prezz huwa €75 u permezz ta’ dan il-kontribut wieħed ikun qed jgħin fil-ħarsien u l-preżervazzjoni tal-kollezzjoni tal-Arkivju tar-Reġistri Nutarili. Min jixtieq, jista’ jirriżerva stampa billi jikkuntattjana.

Informazzjoni oħra:

· Ladarba tirreġistra, m’hemmx bżonn tistampa l-biljett.

· Nitolbukom taslu ftit qabel. Hekk kif tibda t-taħdita, siġġijiet mhux okkupati se jingħataw lil min jattendi mingħajr prenotazzjoni.

· It-taħdita se tiġi fotografata u rrekordjata għal skopijiet ta’ dokumentazzjoni, arkivjar u midja.

· Il-lift bħalissa mhux qed jaħdem. Aċċess bit-taraġ biss (żewġ sulari).

Tista' tikkuntattjana fuq [email protected].

Know what’s Happening Next — before everyone else does.

Get App

Host or Publisher Notarial Archives Foundation