წიგნის "შრომის ისტორია საქართველოში" წარდგენა
Schedule
Mon Oct 21 2024 at 07:00 pm
UTC+04:00Location
Caucasian House კავკასიური სახლი | Tbilisi, TB
Advertisement
📚 ფრიდრიხ ებერტის ფონდის მხარდაჭერით "კავკასიური სახლის" დემოკრატიზაციის პროგრამამ ახალი პუბლიკაცია "შრომის ისტორია საქართველოში" გამოსცა.🔴 წიგნის წარდგენა გაიმართება 21 ოქტომბერს, 19 საათზე „კავკასიური სახლის“ იორგ ჰენლეს სახელობის აუდიტორიაში. ღონისძიებაში მონაწილეობას მიიღებენ პუბლიკაციის ავტორები, რედაქტორები, საისტორიო სამეცნიერო წრეების წარმომადგენლები.
🧐 გამოცემის წინასიტყვაობაში ვკითხულობთ: "საინტერესოა, ჰგავს თუ არა საქართველოს შრომითი ურთიერთობების უახლესი ისტორია გზას, რომელსაც ბოლო 100-150 წლის განმავლობაში ევროპული სახელმწიფოები ადგანან; ანუ შრომითი ურთიერთობებისა და მათი ისტორიის თვალსაზრისით მიეკუთვნება თუ არა საქართველო ევროპას. აღნიშნულ კითხვებზე პასუხების მოძებნაში დაგვეხმარება ისტორიკოსების - ირაკლი ირემაძის, გაბრიელ ჩუბინიძისა და ქეთი სართანიას თანაავტორობით გამოცემული პუბლიკაცია „შრომის ისტორია საქართველოში“.
📖 წიგნში სამი ერთმანეთისგან სრულიად განსხვავებული პერიოდია აღწერილი:
🔸️ თავდაპირველად, გაეცნობით საქართველოს დემოკრატიული რესპუბლიკის გამოცდილებას, რომლის მიზანი გახლდათ ძლიერი, კეთილდღეობის სახელმწიფოსა და შესაბამისი ინსტიტუტების ჩამოყალიბება, პროფკავშირული მოძრაობის გაძლიერება და აგრარული საზოგადოების მოდერნიზება. ცხადია, საქართველოს დემოკრატიული რესპუბლიკის გამოცდილება მხოლოდ დროის 3-4 წლიანი მონაკვეთით არ შემოიფარგლება. იგი აერთიანებს მეცხრამეტე საუკუნის მიწურულს საქართველოში დაწყებული სოციალ-დემოკრატიული მოძრაობის ტრადიციებსა და მიღწევებსაც.
🔸️ წაიკითხავთ საბჭოთა წარსულის უცნობი ასპექტების შესახებ. თანამედროვე მკვლევრები განსაკუთრებული ვნებით იკვლევენ ბოლშევიკურ რეპრესიებს, სტალინის ბიოგრაფიის საიდუმლოებით მოცულ დეტალებს, დისიდენტური წინააღმდეგობის პირველ ნაბიჯებს, მაგრამ ფაქტობრივად ყოველთვის ავიწყდებათ მშრომელთა ბედის შესწავლა, უსწრაფესი პოლიტიკური და ეკონომიკური ცვლილებების დროს მუშათა კლასის მდგომარეობის ანალიზი. წიგნის „შრომის ისტორია საქართველოში“ მეორე ნაწილი აღნიშნული ნაპრალის ამოვსებას ცდილობს და საბჭოთა გარდაქმნებს მშრომელთა პერსპექტივიდან განიხილავს.
🔸️ პუბლიკაციის უკანასკნელ თავში კი მიმოხილულია დეინდუსტრიალიზებულ საზოგადოებაში პრეკარიატის წარმოქმნის ხელშემწყობი ფაქტორები და წარმოჩენილია პროფკავშირების როლი თუ ფუნქცია პოსტსაბჭოთა ტრანსფორმაციის პირობებში."
➡️ იდეის ავტორი: ირაკლი ირემაძე
➡️ სამეცნიერო რედაქტორი: პროფ. დოქტ. დიმიტრი შველიძე
📣 გთხოვთ მობრძანდეთ, დასწრება თავისუფალია.
Advertisement
Where is it happening?
Caucasian House კავკასიური სახლი, გალაკრიონის ქუჩა 22, თბილისი, საქართველო,Tbilisi, GeorgiaEvent Location & Nearby Stays: