ფენიქსის ორდენი: გიორგი ანწუხელიძისა და გურამ გაბესკირიას ნაკადი

ფენიქსის ორდენი აცხადებს მიღებას გიორგი ანწუხელიძისა და გურამ გაბესკირიას სახელობის ნაკადებზე. მონაწილეობა შეუძლიათ X, XI, XII კლასის მოსწავლეებს და I, II, III კურსის სტუდენტებს.
რას გთავაზობთ?
📚 დღევანდელი რეალობისთვის აქტუალური ცოდნის შეძენას: შესაძლებლობა გექნება ისწავლო ისეთი მნიშვნელოვანი საკითხები, როგორიცაა კიბერუსაფრთხოება, AI-ის გამოყენება, ეკონომიკა, სტრატეგიული კომუნიკაცია, დებატები & საჯარო გამოსვლების ხელოვნება და სხვა.
🚀 პრაქტიკული უნარების განვითარებას: შენ არ იქნები მხოლოდ მსმენელი, არამედ აქტიურად ჩაერთვები როლურ თამაშებში, სიმულაციებსა და სხვა აქტივობებში.
🫂 სოციალიზაციას და ახალი მეგობრების შეძენას: ყოველ შაბათ-კვირას შეხვდები თანატოლებს, გაიჩენ მეგობრებს და ერთად განავითარებთ იდეებს ქვეყნის უკეთესი მომავლისთვის.
🏕️ ფენიქსის ორდენის წევრობას: კურსის დასრულების შემდეგ გახდები ფენიქსის ორდენის წევრი და აკადემიის დიდი ოჯახის ნაწილი, რაც მოიცავს:
- სხვადასხვა კლუბში გაწევრიანების შესაძლებლობას, იქნება ეს სამაგიდო თამაშების კლუბი, დებატების კლუბი, კინოკლუბი თუ სხვა;
- სპეციალურად ფენიქსის ორდენის წევრებისთვის დაორგანიზებულ ლექციებსა და ტრენინგებზე დასწრების უფლებას;
- საქართველოს მომავლის აკადემიის სხვა პროექტებსა და აქტივობებში მონაწილეობის შესაძლებლობას;
- ჩვენთან სტაჟირების გავლის უპირატეს შესაძლებლობას, და სხვა.
📲 ფენიქსის ორდენში მონაწილეობის მისაღებად, შეავსე მარტივი სარეგისტრაციო ფორმა არაუგვიანეს
16 ნოემბრისა:
https://forms.gle/NTJsV9nW8cAHx4Fk6
📍🗓 სწავლება დაიწყება 21 ნოემბერს.
შეხვედრები ჩატარდება თბილისში, ყოველ შაბათ-კვირას, 5 კვირის განმავლობაში. ინფორმაცია ადგილმდებარეობის შესახებ და სხვა დეტალები შერჩეულ კანდიდატებს ელ-ფოსტის საშუალებით ეცნობებათ.
ფენიქსის ორდენში მონაწილეობა უფასოა და შერჩეულ მონაწილეთათვის დაფინანსებულია საქართველოს მომავლის აკადემიის მიერ.
კითხვების შემთხვევაში, დაგვიკავშირდი: [email protected]
კეთილი სურვილებით,
საქართველოს მომავლის აკადემიის გუნდი