တားရော့ဓမ္မ

Name: တားရော့ဓမ္မ
Start: 2026-03-18T22:30:00+06:30
Location: Sanchaung, Yangon, Burma

Schedule

Wed, 18 Mar, 2026 at 10:30 pm

UTC+06:30

Location

Sanchaung, Yangon, Burma | Yangon, YA

သူကကျွန်တော့်ကိုပြောတယ်။
လမ်းစုံလမ်းခွတွေကြုံတဲ့အခါ နှလုံးသားနဲ့ရွေးချယ်ရတယ်။ဘဝ ဒါမှမဟုတ် ရှင်သန်မှုအကြောင်းပြောကြတဲ့အခါ ရွေးချယ်ခြင်းဆိုတာ မပါမဖြစ်ပဲ...။ရွေးချယ်မှုတွေအများကြီးလုပ်ရပြီး ရွေးချယ်မှုတစ်ခုဆီတိုင်းဟာ ကံကြမ္မာပဲ။
အပေါ်ယံအကျိုးအမြတ်ထက် ယုံကြည်မြတ်နိုးရာကိုဦးစားပေးပါတဲ့။
စိတ်ရင်းအမှန်နဲ့ကိုက်ညီတဲ့ဆုံးဖြတ်ချက်မျိုးပဲဖြစ်ပါစေတဲ့။
ဒါဟာကိုယ့်ကိုယ်ကိုအပြစ်တင်စိတ် အလိုမကျမှုအနည်းဆုံးဖြစ်လိမ့်မယ်။ကိုယ့်ကိုယ်ကို အပြစ်တင်အလိုမကျမှုနည်းရင် လူဟာကျေနပ်စွာရှင်သန်နိုင်တယ်။ကျေနပ်စွာရှင်သန်နိုင်တဲ့သူဟာ တစ်ခြားသူအပေါ်မေတ္တာထားနိုင်တာပဲ။
ကိုယ့်ကိုယ်ကိုရော တစ်ခြားလူတွေ တစ်ခြားအရာတွေအပေါ်မှာပါ ကိုယ်ရောစိတ်ပါ မေတ္တာနဲ့ဆက်ဆံပါတဲ့။ဒီဖော်ပြချက်တစ်ခုလုံးဟာ ချစ်ခြင်းရဲ့အနက်ရှိုင်းဆုံးထိဖွင့်ပြထားတယ်။မေတ္တာထားပါ။နားလည်ပါ။လေးစားပါ။ သူပဲ ငါပဲဆိုတဲ့ ခွဲခြားမှုတွေကိုပစ်ချပြီး အပြန်အလှန်လေးစားမှုကိုအခြေခံပြီး အနန္တမေတ္တာဓာတ်အထိ တည်ဆောက်ယူပါ။
ဒီဖြစ်တည်မှုဟာ ရခဲကြောင်းသိပါ။
လွတ်လပ်ခြင်းနဲ့ ရွေးချယ်ခွင့်ရဲ့နောက်မှာ တာဝန်ယူမှုဆိုတဲ့ အသိတရားကိုအမြဲကပ်ထားရမယ်တဲ့။ရွေးချယ်မှုဟာ ကံကြမ္မာဖြစ်ပြီး ရွေးချယ်မှုတိုင်းရဲ့နောက်မှာ နောက်ဆက်တွဲတွေ အကျိုးဆက်တွေရှိတယ်။
ချစ်ခြင်းမေတ္တာအကြောင်းပြောတော့ ချစ်ခြင်းမေတ္တာဆိုတာ ခံစားချက်ထက်ပိုတဲ့အကြောင်း သိရဲ့လားတဲ့။
ကျားနဲ့ မ အလင်းနဲ့ အမှောင် တောင်နဲ့ မြောက် အကောင်းနဲ့ အဆိုး လောကဟာ ဆန့်ကျင်ဘက်တွေရဲ့ အချိုးအဆကျနလှပမှုပါပဲ။တစ်ခုခုကိုဖယ်ထုတ်ဖို့ တစ်ဘက်ဘက်မှာရပ်တည်ဖို့ တစ်စုံတစ်ရာကိုငြင်းဖို့မဟုတ်ဘဲ ဒီဆန့်ကျင်မှုတွေကြားက မျှချေကိုရှာဖွေပြီး နေထိုင်တတ်ဖို့ပါပဲတဲ့။
ဘဝဆိုတာ ရှင်သန်ခြင်း ရှင်သန်ခြင်းဟာ ရွေးချယ်မှု ရွေးချယ်မှုဟာကံကြမ္မာပဲ။ကိုယ့်ရဲ့ရွေးချယ်မှုဟာ ကိုယ်တိုင်နဲ့ရော လောကနဲ့ပါ အံဝင်ခွင်ကျဖြစ်တဲ့အခါ ဘဝဟာ အဓိပ္ပာယ်ရှိပြီး အနှစ်သာရပြည့်ဝလာတယ်။
ဘယ်သူမှ သီးသန့်နေထိုင်လို့မရပါဘူး။ တစ်ခြားလူ တစ်ခြားအရာ အားလုံးနဲ့ကင်းကွာနေထိုင်ရင်တောင် သဘာဝနဲ့ထိတွေ့နေရတုန်းပဲ။ခင်ဗျားရော ကျွန်တော်ပါ လောကဆိုတဲ့ဖြစ်စဉ်ထဲက အစိတ်အပိုင်းလေးတစ်ခုပါပဲ။မချိတ်ဆက်မမှီခိုပဲ အကောင်းဆုံးမရှင်သန်နိုင်ပါဘူး။ရှင်သန်မှုအတွက် အထောက်အပံ့ပေးတဲ့အရာဆိုတာ မေတ္တာပဲ။မေတ္တာဟာရှင်သန်တိုးပွားစေတယ်။စကြာဝဠာရဲ့သမိုင်းမှာမေတ္တာကြောင့်ပျက်သွားတဲ့ကမ္ဘာရယ်လို့မရှိဘူး။‌မေတ္တာတွေတိုးပွားလာရင် လက်နက်တွေမျိုးသုန်းသွားလိမ့်မယ်။
ဒါကြောင့် ဘုရားအဆူဆူဟာ မေတ္တာအကြောင်း အလေးအနက်ဆိုခဲ့ကြတာ။မေတ္တာဟာ အမြင့်ဆုံးစွမ်းအားဖြစ်နေတာ။
ဘဝဆိုတာ အတွင်းနဲ့အပြင် ထပ်တူကျအောင်ညှိယူရတာပဲ။ကိုယ်ကိုယ်ကိုပဲကြည့်နေရင် ကိုယ်ဟာလောကရဲ့ အဖျက်ပိုးဖြစ်နေပြီလို့သိ။ငါဆိုတာထက် ငါတို့ ငါတို့အားလုံး ဆိုတဲ့စိတ်နဲ့ ညှိယူရမယ်။ငါတို့ဆိုတဲ့အမြင်နဲ့ လောကကိုအလှဆင်နေ လှပအောင်ဖန်တီးနေတဲ့သူတွေကိုပဲ တန်ဖိုးရှိတယ်လို့ လောကနဲ့ ဒေဝါ တွေကသတ်မှတ်တယ်။
ဒီအတိုင်းလေးဖတ်ကြည့်ပါ။အသိစိတ်ထက် မသိစိတ်မှာနားလည်မှု လင်းဝင်းမှုကိုခံစားရပါလိမ့်မယ်။
ဒီဖော်ပြမှုလေးကိုမြင်တဲ့အခါ တိုက်ဆိုင်စွာပဲ သင်ဟာလမ်းစုံလမ်းခွကိာရောက်နေပြီး ရွေးချယ်စရာတွေကြုံနေခဲ့ရတယ်ဆိုရင် နှလုံးသားနဲ့ထပ်တူကျတာကိုပဲ ပြတ်ပြတ်သားသားရွေးချယ်ပါလို့တိုက်တွန်းပါတယ်။ကိုယ်နဲ့ကိုယ့်ပတ်ဝန်းကျင်အပေါ်မှာလည်း လေးစားမှုကိုအခြေခံပြီး နားလည်မှု မေတ္တာတရားနဲ့ ကြိုးစားပြီးဆက်သွယ်ကြည့်ပါ။အလေ့အကျင့်ပါတယ်။
သေနက်ပစ်တက်အောင်လဲလေ့ကျင့်ရတယ် ချိုသာတဲ့စကားနဲ့‌အပြုံးတွေကမ်းပေးဖို့အတွက်လည်း လေ့ကျင်ရပါတယ်။
The Lovers ကပြောပြတဲ့ တားရော့ဓမ္မ...
ကိုယ်စိတ်နှစ်ဖြာမျှတပြီး ကျန်းမာချမ်းသာကြပါစေခင်ဗျာ
Dawn ( ဒေဝမုခ )