على ورق الفل دلعني
Schedule
Fri, 06 Dec, 2024 at 05:30 pm
UTC+02:00Location
فرقة الورشة المسرحية | Cairo, QH
Advertisement
الدلع وصلللللللللللل.... المتشخلعات الدلوعات اللي بدأو تدريباتهم مع شخلعة من سبتمبر 2024 ... خلصوا رحلتهم الاولى مع الرقص البلدي ... وبقوا جاهزين بعرض على ورق الفل دلعني ... وحابين تشاركوهم فرحتهم بالتخرج يالا تعالى واحجزي وانبسطى وشاركينا مشاعرنا وأفكارنا حوالين الحب والعلاقات.
بعد العرض هيكون فيه عرض رقص حر لينا كلنا على أغاني من اختياركم.
1- العرض هيكون للستات بس وفي قاعة مفيهاش كاميرات
2- هاتي معاكى بدلة رقص أو حزام متشخلع أو جلابية عشان ترقصي معانا في وقت الرقص الحر
3- لو عندك أطفال هاتيهم البنات أى سن لكن الولاد لغاية سن 8 سنين
4- اى طفل/ة هيحتاج كرسي احجزيله استمارة وتذكرة منفصلة
5- احجزى استمارتك بدري واكدي الحجز بالدفع عشان هنقفل الاستمارة بعد وضولها لخمسين عشان القاعة صغيرة
6- جوا العرض والرقص الحر ممنوع نهائيا استخدام الموبايل لاي غرض
7- ممنوع نهائيا التصويرداخل القاعة
8- اوصلي في ميعادك ولو متأخرة هتدخلى بعد انتهاء الاغنية مش في النص
9- لو عندى مشكلة في الدفع الالكترونى هبعت على الصفحة
القواعد كتير عارفين لكن احنا بنحافظ على خصوصية الستات
قيمة المساهمة في ايجار القاعة 60 ج
الحضور يتوجب ملئ الاستمارة
https://docs.google.com/forms/d/e/1FAIpQLSd6MWCbp0W_Ntd-fhhCE1pckU2J14glAp3RB_Lx108zIDh1sQ/viewform?usp=sf_link
التاريخ الجمعة 6 ديسمبر 2024 الساعة5:30 مساءا وحتى العاشرة مساءا
المكان مقر فرقة الورشة القاهرة
17 شارع شريف الدور الرابع
https://www.google.com/maps/place/El+Warsha+Theater+Troupe+%D9%81%D8%B1%D9%82%D8%A9+%D8%A7%D9%84%D9%88%D8%B1%D8%B4%D8%A9+%D8%A7%D9%84%D9%85%D8%B3%D8%B1%D8%AD%D9%8A%D8%A9%E2%80%AD/@30.048066,31.242607,15z/data=!4m6!3m5!1s0x145841409747415f:0x134677375dc0d51c!8m2!3d30.048066!4d31.242607!16s%2Fg%2F11r3s3b5fq?entry=ttu&g_ep=EgoyMDI0MTAwNS4yIKXMDSoASAFQAw%3D%3D
عن فرقة شخلعة للرقص البلدي
شخلعة هي فرقة بتأسسها مي عامر لمشاركة ستات كتير في رحلة الرقص البلدي
في تجربتها وتجربة كل ست في الفرقة .. كان الرقص المساحة اللى اكتشفوها وشافوا قوتها في مساعدتهم ومساعدة ستات كتير انهم يعبروا عن نفسنهم وعن مشاعرهم.
وعشان الرقص البلدي كان جوانا ... لقيناه أقرب رقص لقلبنا
وعلى الرغم من ان معظمنا بيحب الرقص البلدي وكتير مننا بيتقنه من غير تدريب وانه وسيلتنا عشان نعبر عن كل افراحنا ومناسباتنا الاجتماعية... الا ان الشكل الحالى للرقص بنى صورة نمطية للرقاصة وبقى لازم تقدمه ست جسمها مشدود وعندها قدرات جسمية خارقة.... وده عمل حاجز بين الستات وبين الرقص
في شخلعة ... بنحاول نكسر الصورة دى ... ونتجمع مع الستات ونتعلم من بعض الرقص ونطور حركاتنا وتعبيرنا .
وبنقول لكل ست تحب تبقى متشخلعة يالا بينا
شخلعة مهتمة بخصوصية الستات وبتقدم تدريباتها وعروضها للستات وفي أماكن آمنة ومحافظة على خصوصيتهم
شخلعة
Advertisement
Where is it happening?
فرقة الورشة المسرحية, Cairo, EgyptEvent Location & Nearby Stays:
