جولة وإفطار رمضاني من جامع الرفاعي لسبيل قايتباي والتراويح في السلطان حسن – إفطار بطعم التاريخ🌙🥰
Schedule
Fri, 06 Mar, 2026 at 04:00 pm
UTC+02:00Location
Cairo, القاهرة، محافظة القاهرة، مصر | Cairo, QH
Advertisement
جولة وإفطار رمضاني من جامع الرفاعي لسبيل قايتباي والتراويح في السلطان حسن – إفطار بطعم التاريخ16 رمضان.🌙❤️جولتنا المرة دي مميزة، والكل بيستناها، لأننا بنزور فيها مكانين من أروع منشآت العمارة الإسلامية: مدرسة السلطان حسن وجامع الرفاعي وسبيل قايتباي ونختمها بإفطار مميز في أجواء رمضان الأصيلة بطعم الزمن الجميل على أحد المقاهي في شارع الصليبة العتيق..🥰⭐
⬅️برنامج جولتنا: 👇
✅ جامع الرفاعي والسلطان حسن
✅ آثار ميدان الرميلة
✅ سبيل قايتباي
✅ إفطار بأجواء رمضانية على مقاهي حي الخليفة
✅ صلاة التراويح في مدرسة السلطان حسن
⬅️تفاصيل الجولة:
هنتجمع أمام جامع الرفاعي ونبدأ نتكلم عن تاريخ الجامع وأسرة محمد علي، وعن مدافن العائلة المالكة اللي فيه.
بعد كده، هنقف أمام مدرسة السلطان حسن، درة العمارة الإسلامية، واللي بنقول عليها "هرم مصر الرابع"، وهنشرح تاريخ وتفاصيل المدرسة. ماتقلقش، هندخل مدرسة السلطان حسن 😉، بس وقت التراويح علشان نستشعر روحانيات المكان وجماله ❤️.
بعدها، هنقف في ميدان الرميلة وناخد فكرة سريعة عن الآثار اللي فيه، وأهم الآثار الموجودة على العملات المصرية.
بعد كده، هندخل شارع الصليبية، أحد أهم شوارع القاهرة التاريخية، علشان نقف أمام سبيل قايتباي ونتكلم عنه وعن فكرة ودور الأسبلة وتطورها عبر العصور الإسلامية.
أمام السبيل، هنلاقي القهوة البلدي الجميلة اللي هنقعد عندها علشان نفطر وسط عبق التاريخ والأحياء الشعبية الجميلة. يعني هتشعر برمضان بجد وبنفحاته ❤️، وطبعًا القعدة والدردشة تحلى بعد الفطار 🥰.
بعد ما نخلص قعدتنا، هيكون متاح دخول مدرسة السلطان حسن وصلاة العشاء والتراويح (اختياري)، بس نصيحة ما تفوتش الفرصة دي.
➖➖➖➖➖➖➖➖➖
⬅️ وجبات الإفطار:
✅وجبة ميكس (ربع فراخ + 1/8 كفتة + رز + سلاطة + صوص + تمر هندي او سوبيا + 1 مياه = 400 جنيه
✅وجبة ربع فراخ + رز + سلاطة + صوص + تمر هندي او سوبيا + 1 مياه = 350 جنيه
✅وجبة نص فراخ + رز + سلاطة + صوص + تمر هندي او سوبيا + 1 مياه = 420
✅وجبة ربع كفتة + رز + سلاطة + صوص + تمر هندي او سوبيا + 1 مياه = 390
➖➖➖➖➖➖➖➖➖➖➖
⬅️التجمع:
يوم الجمعة 16 رمضان الساعة 4:00 مساءً داخل جامع الرفاعي والسلطان حسن، وبداية الجولة 4:15. الرجاء عدم التأخير لضيق الوقت.
⬅️ملحوظات:
🔹 جولات رمضان بتكون Soft Tour يعني مش بتتطلب أي مجهود علشان الصيام.
🔹 أسعار المشروبات في القهوة عادية مش سياحية.
🔹 الفطار كالعادة بنجيبه من مطعم مميز بجودة عالية جدًا، وبنتعامل معاه بقالنا أربع سنوات.
⬅️ للحجز والاستفسار:
للتواصل عبر الاتصال أو واتساب على الأرقام التالية:
01229876683
01559814486
01004331115
تأكيد الحجز بتحويل المبلغ على إنستا باي أو فودافون كاش على الرقم التالي:
01004331115
الاحتفاظ بإشعار التحويل. لا يمكن استرداد الاشتراك إلا في حالة توفير البديل.
⬅️طريقة الوصول:
من السيدة عائشة: هتركب لغاية جامع الرفاعي أو ممكن تتمشى 10 دقائق.
لو جاي بعربيتك: ممكن تركنها عند ميدان القلعة (ميدان صلاح الدين).
تحياتنا لحضراتكم بقضاء وقت ممتع بين أحضان الماضي وعبق التاريخ.
#سراديب
#رحلات_سراديب
#نفتح_أبواب_التاريخ
Advertisement
Where is it happening?
Cairo, القاهرة، محافظة القاهرة، مصر, EgyptEvent Location & Nearby Stays:
Know what’s Happening Next — before everyone else does.
