Չոչի մրցույթ 2026

«Հայ ծնողների ակումբ»-ը, առողջ ապրելակերպն ու չոչը խրախուսելու և դրական հույզեր պարգևելու ցանկությամբ, կազմակերպում է փոքրիկ չոչորդների մեծ մրցույթ 👶🍼🏅
2026 թվականին այս ուրախ ու ընտանեկան միջոցառումը
Երևանում կկայանա արդեն յոթերորդ անգամ 😍:
🎈 Երևան
Հուլիսի 25, «Երազ» այգի
Եթե Ձեր բալիկը չոչ է անում, բայց դեռ չի քայլում, ուրեմն անպայման եկեք մասնակցելու 🙂
Իսկ բոլոր մյուս բալիկներին ու ծնողներին հրավիրում ենք ներկա գտնվելու այս յուրահատուկ մրցույթին, որտեղ բարձր տրամադրությունը կապահովեն մասնակից չոչորդները 🙂 Նաև, մրցույցի ողջ ընթացքում տաղավարներում լինելու են անվճար հետաքրքիր զբաղմունքներ տարբեր տարիքի երեխաների համար:
Ուրախ տրամադրության, դիջեյի աշխույժ երաժշտության և հաղորդավարի ոգևորիչ մեկնաբանությունների ներքո մեր փոքրիկ մասնակիցները կփորձեն չոչ անելով հնարավորինս արագ անցնել 5 մետրանոց չոչուղին, որի եզրագծի մոտ նրանց անհամբեր կսպասեն հարազատները 👨‍👩‍
📌 Մասնակցության կանոններ.
1. Մասնակցել կարող են 6-ից 14 ամսական չոչ անող, բայց դեռ ՉՔԱՅԼՈՂ երեխաները:
2. Երեխան մասնակցում է 2 մեծահասակի հետ, որոնցից մեկը կանգնում է չոչուղու սկզբում, մյուսը՝ վերջում:
3. Կարելի է բերել երեխայի սիրելի խաղալիքները, կամ ցանկացած այլ իրեր, որոնցով հնարավոր է գրավել, կանչել երեխային: Չի կարելի կանչել կտրող, ծակող (օրինակ` մկրատ), արգելված (օրինակ` ծխախոտ) իրերով:
4. Չի կարելի հատել սահմանագիծը, դիպչել երեխային մրցույթի ընթացքում, իր շպրտել չոչուղի:
5. Փոքրիկները կմրցեն մի քանի տարիքային խմբով: Հաղթող կհամարվեն վերջնագծին առաջինը դիպչող չոչորդները:
❗️❗️❗️ Կանոններն ավելի մանրամասն ներկայացված են էջին` առանձին գրառման տեսքով :)
❌ Կանոնները խախտող մեծահասակների փոքրիկները մրցույթը չեն շարունակի:
Խնդրում ենք մասնակից երեխաներին տոնական հագուստի փոխարեն հագցնել հարմարավետ սպորտային հագուստ 👖👚 

📌 Մասնակցության պայմաններ
Մեկ չոչորդ երեխայի մասնակցության արժեքը 10 000 դրամ է:
Ուղեկցողների և բոլոր մյուս երեխաների ու մեծերի մուտքն ազատ է 🥰
💛🖤💛 Գրանցվելու կարգ
1. Նախնական գրանցման համար պարտադիր է լրացնել դիմումը`
https://docs.google.com/forms/d/1HMTL9d7ggb7JQndu2fgisYFJPZ8V3YEat6Nj2B0D6-g/preview,
❗️ Գրանցումը և մասնակցությունը կհաստատվի միայն մասնակցության վճարը կատարելուց և կտրոնը ներկայացնելուց հետո, որը պետք է փոխանցել մինչև հունիսի 26-ը ներառյալ, սակայն մասնակիցների քանակը սահմանափակ է և քանակը լրանալուն պես գրանցումը հնարավոր է փակվի հունիսի 26-ից շուտ:
2. Վճարման մանրամասների համար հարկավոր է դիմումը լրացնելուց հետո կապվել մեզ հետ` գրելով մրցույթի էջին:

Հարցերի և համագործակցության համար կարող եք գրել «Չոչի մրցույթ / Crawling Contest» կամ «Հայ ծնողների ակումբ»-ի էջին կամ զանգել 091416247 / 091305223: