YES ФЕСТИВАЛ (ЈЕС ФЕСТИВАЛ) 2026 - 14 - 20 мај
Schedule
Thu, 14 May, 2026 at 02:00 pm to Wed, 20 May, 2026 at 08:00 pm
UTC+02:00Location
Kosturski heroi 19/1/11, 1000 Skopje, North Macedonia | Skopje, AR
Advertisement
YES ФЕСТИВАЛ (ЈЕС ФЕСТИВАЛ) - 14 - 20 мај во Скопје📍7 дена, 7 локации: кафе-книжарница и галерија „Чудна шума“, кафе „Долап“, МКЦ, креативно студио „Умна Куќа“, ЈУ Градска библиотека „Браќа Миладиновци“ (централен објект, библиотека „Другарче“ и библиотека „Цветан Димов“)
📚Две различни програми:
1. книжевни вечери и промоции
2. програма за деца (читачки и креативни работилници)
📕4 гостувања на автори и илустратори од Белгија, Албанија, Словенија и Хрватска и претставување на делото на еден украински автор
📕 Учество на 12 македонски писатели во двете програми (вечерна и програма за деца и млади)
🖼️ Изложба на македонски уметници
👧🏻🧒👦ДЕТСКА ПРОГРАМА:
- Читачки и креативни работилници за деца од основни училишта и средба со авторката Рудина Чупи и илустраторката Ванда Чижмек во повеќе објекти на ЈУ Градска библиотека „Браќа Миладиновци“ (централен објект, библиотека „Другарче“ и библиотека „Цветан Димов“)
- Целодневен настан - читања и работилници со автори од Македонија и Албанија (16 мај, МКЦ)
- Креативна работилница со хрватската илустраторка Ванда Чижмек и уметникот Доротеј Нешовски во креативното студио „Умна куќа“
- Потпишување и средба на читачкиот клуб „Чудна шума“ и „Мама (Ми) Чита“ со авторката Рудина Чупи (15 мај, кафе-книжарница и галерија „Чудна шума“)
Илустрација и дизајн на плакат: Иванка НиБа
Програма на YES ФЕСТИВАЛ 2026
Скопје, 14 – 20 мај 2026
14 мај, четврток
20:00 Отворање на фестивалот со книжевен настан во галеријата „Чудна шума“
„YES за кратка проза“. На оваа книжевна вечер свои дела ќе читаат: Иван Шопов, Владимир Лукаш, Долорес Атанасова Лори, Биљана Стојановска, Хана Корнети, Ѓоко Здравески, Драгана Лукан Николоски, Живко Грозданоски, Филип Димевски, Билјана Црвенковска, Ненад Јолдески.
15 мај, петок
ПРОГРАМА ЗА ДЕЦА
10:30 Читање и работилница со авторката на сликовницата „Скокотливата куќа“ (Shtëpia e gudulisur), Рудина Чупи, на македонски и албански, деца од основни училишта, библиотека „Страшо Пинџур“ (затворен тип)
ПОТПИШУВАЊЕ И ДРУЖЕЊЕ СО АВТОРИ ВО КАФЕ-КНИЖАРНИЦА И ГАЛЕРИЈА „ЧУДНА ШУМА“:
18:00 Средба со авторката Рудина Чупи („Скокотливата куќа“), средба со читачкиот клуб „Чудна шума“ и „Мама (Ми) Чита“
КНИЖЕВНИ ВЕЧЕРИ:
20:00 Промоција на романот „Трофеј“ од Хеа Схутерс (кафе „Долап“)
Разговорот со авторката Хеа Схутерс и со преведувачката на делото Ели Пујовска ќе го водат Лени Фрчкоска и Билјана Црвенковска.
Хеа Схутерс е писателка, сценаристка, авторка на либрета и новинарка. Прво дело ѝ е патописната книга „Девојки, муслимани и мотори“ за едно седуммесечно патување со мотор низ Иран, Централна Азија и Арапскиот Полуостров. Потоа следуваат романите „Копачи“, „Уметноста на паѓањето“и „Без наслов бр. 1“, како и збирката интервјуа насловена „Крај“. Нејзиниот роман „Трофеј“ влегува во потесниот избор за голем број награди меѓу кои и Европската награда за литература, а добитник е на книжевната награда „Сабам“. Со илустраторката Герда Дендовен ја изработуваат „Ништо“, филозофска сликовница и за мали и за големи деца. Со композиторката Анели ван Пари пишува неколку опери, како и други парчиња театарска музика, кои се закитуваат со многубројни награди; нивните дела се изведуваат на места и настани како Виенското биенале, Германската државна опера, Стокхолмската опера, Фламанската опера, Ротердамската опера и многу други. А заедно со Јохана Пас ја преведува Кеј Темпест. Нејзиното авторство се наоѓа токму онаму каде што се сретнуваат експериментирањето со формите и општествената ангажираност.
16 мај, сабота
ПРОГРАМА ЗА ДЕЦА (МКЦ – Младински културен центар – Скопје, фоаје на кино „Фросина“) - Целодневна програма на работилници:
12:00 Читање и креативна работилница за деца со авторката Рудина Чупи („Скокотливата куќа“)
13:00 Читање и креативна работилница за деца со авторката Билјана Црвенковска – „Најмалиот остров на светот”
14:00 Читање и креативна работилница „28 дена од животот на Бурундук“
16:00 Читање и креативна работилница за деца со авторката Јелена Никодиноска Чаповска и илустраторката Иванка НиБа – „Шарен, бистар свет“
17:00 Читање и креативна работилница за деца со авторката Хана Корнети – „Каде оди реката?“
*Сите работилници се отворени за учество. Пожелно е пријавување на децата на електронска пошта: [email protected]
12:00 – 18:00, МКЦ: Мал саем на книги на издавачките куќи „Чудна шума“, „Сказнувалка“ и „Светулка“
ПОТПИШУВАЊЕ И ДРУЖЕЊЕ СО АВТОРИ ВО КАФЕ-КНИЖАРНИЦА И ГАЛЕРИЈА „ЧУДНА ШУМА“
18:30 – Средба со авторките Хеа Схутерс („Трофеј“) и Самира Кентриќ („Адна“)
КНИЖЕВНИ ВЕЧЕРИ:
20:00 Промоција на графичкиот роман „Адна“ од Самира Кентриќ (кафе „Долап“)
Разговорот со Самира Кентриќ ќе го водат Ана Јовковска и Лени Фрчкоска.
Самира Кентриќ е родена во 1976 година, во Љубљана, како дете на босански имигранти.
Започнала да црта уште како дете. По завршувањето на студиите по визуелна комуникација, таа се фокусира да ја пренесува општествената реалност на своето време во слики, креирајќи политички мотивирани илустрации, визуализирајќи, на пример, вести за меѓународни односи, верски конфликти и социјални прашања. Ужива да создава надреални ситуации за да го истакне она што го смета за најреално. Работи со различни техники избирајќи ги оние што смета дека се најсоодветни. Нејзиниот главен интерес лежи во подрачјето каде што јавните и политичките изрази се среќаваат со интимните аспекти на човековото секојдневие. Настојува нејзината работа да комуницира теми кои често се избегнуваат, се сметаат за незгодни или за табу.
18 мај, понеделник
ПРОГРАМА ЗА ДЕЦА
11:00 Читање и работилница поврзана со делото „28 дена од животот на Бурундук“ од украинскиот автор Иван Андрусјак, деца од основни училишта, библиотека „Браќа Миладиновци“ (затворен тип)
ПОТПИШУВАЊЕ И ДРУЖЕЊЕ СО АВТОРИ ВО КАФЕ-КНИЖАРНИЦА И ГАЛЕРИЈА „ЧУДНА ШУМА“
18:00 Средба со илустраторката Ванда Чижмек („Кики, ние те сакаме!“), средба со читачкиот клуб „Чудна шума“ и „Мама (Ми) Чита“
КНИЖЕВНИ ВЕЧЕРИ:
20:00 Претставување на новата едиција на книги „Планета НАДЕЖ (Нова европска проза“ (галерија „Чудна шума“)
19 мај, вторник
ПРОГРАМА ЗА ДЕЦА
12:00 Читање и работилница со илустраторката Ванда Чижмек поврзана со сликовницата „Кики, ние те сакаме!“, деца од основни училишта, библиотека „Другарче“ (затворен тип)
18:00 Читање и работилница со илустраторката Ванда Чижмек и уметникот Доротеј Нешовски, поврзана со сликовницата „Кики, ние те сакаме!“, во креативното студио „Умна Куќа“ (отворен тип, со пријавување)
* Пријавување на децата на електронска пошта: [email protected]
ВЕЧЕРНА ПРОРАМА:
20:00 Отворање на групна изложба на македонски уметници, галерија „Чудна шума“: Владимир Лукаш, Срна Галевски, Весна Ничевска....
20 мај, среда
10:00 - 20:00 „3 години кафе-книжарница и галерија ЧУДНА ШУМА“: Целодневен книжевен HAPPY HOUR – подарок книга-изненадување за секој купувач.
🇪🇺
#yesfestival #cofundedbytheeuropeanunion #creativeeuropeforbooks #flandersliterature
Advertisement
Where is it happening?
Kosturski heroi 19/1/11, 1000 Skopje, North Macedonia, Улица Костурски херои 3, 1111 Скопје, Северна Македонија, Skopje, Macedonia, The Former Yugoslav Republic OfEvent Location & Nearby Stays:
Know what’s Happening Next — before everyone else does.
