Wadi El Hitan Camping & Stargazing ⛺ 🔭

Name: Wadi El Hitan Camping & Stargazing ⛺ 🔭
Start: 2025-01-31T06:00:00+02:00
End: 2025-02-01T12:00:00+02:00
Location: Wadi El Hitan, Valley of the Whales

Schedule

Fri, 31 Jan, 2025 at 06:00 am to Sat, 01 Feb, 2025 at 12:00 pm

UTC+02:00

Location

Wadi El Hitan, Valley of the Whales | Cairo, QH

مغامرة جديدة لكل اللي بيحب التصوير والتخييم والرصد الفلكي
وادي الحيتان 🐋 من افضل الأماكن فى مصر للرصد الفلكى والتخييم ورؤية النجوم والكواكب
وفى الفترة الحالية بإذن الله هنقدر نرصد مجموعات نجمية مميزة جداً
📌 وهيكون هدفنا في المغامرة دي :-
✅ شرح كيفية تصوير السماء بالكاميرا او الموبايل و هانشرح المجموعات النجمية اللى موجودة ف السماء وازاى نوصل النجوم ببعضها عشان تعطى لنا شكل معين (طبقا للتصور الاغريقى )
✅ هنتلعم بعض الخصائص الملاحية للنجوم ومنها ازاى نحدد الاتجاهات الأربعة والاتجاهات الفرعية واتجاة القبلة كمان عن طريق النجوم بدون الحاجة لاى معدات او اجهزة حديثة

🚨المغامرة يومين بليلة
( يوم الجمعة 31 يناير - السبت 1 فبراير )
📌 خط السير ونقاط التوقف :-
👈 التحرك بيكون مباشرة من الأسكندرية ( شارع سوتر) يوم الجمعة الساعة 6 صباحاً
- نقطة التقاء القاهرة : بنزينة chillout حدائق الأهرام ( حوالي الساعة 9:30 صباحاً)
ثم التوجه بشكل مباشر لمحمية وادى الحيتان مرورا بمدق وادى الحيتان
بنوصل ان شاء الله لوادى الحيتان في وقت اقصاة الثانية والنصف ظهرا 🏜
👈 وادي الحيتان :
بداية جولتنا ف وادى الحيتان بتكون اننا نعرفكم الاماكن والقواعد الخاصة بالمحمية والطُرق (من حمامات واماكن للجلوس)
- نبدأ نتحرك باننا نروح للمتحف المُغطى وبنشوف فية صور توضيحية لعملية تطور الحيتان .. واطول حفرية متصلة فى العالم لحوت الباسيليسورس وهو حوت منقرض من اكتر من 40 مليون سنة ( في عصر أيام الحيتان كان لها أرجل وبتمشي علي الأرض ) 🐋
- بنكمل جولتنا ف المتحف المفتوح وبنشوف فية اجزاء من حفريات حيتان منقرضة وعروس البحر والسمكة المُنشار وشجر المانجروف المُتحجر وغيرها من الحفريات ....
- بنبدأ ننصب الخيم بتاعتنا ونختار مكان التخيم ونرتاح من الطريق واللى عاوز ياكل او يعمل اى نشاط وبنستمع بعدها بغروب الشمس
- مع دخول الليل بنبدأ فى التصوير الفلكى والرصد للسما وبنبدأ برنامجنا الفلكى
- نقعد حوالين راكية النار ونحكى عن تجاربنا فى الحياه ونتبادل خبرات ونتعرف على بعض كويس ومن افضل الحاجات هناك ان مافيش شبكات تليفون أو إرسال من اى نوع ودا هيسمحلنا اننا نقضى وقت حقيقى بدون موبيلاتنا شوية 😃
- بنسهر طول الليل واللى حابب ينام او يريح متوفر خيم ... وقبل الشروق بنبدأ نتحرك فورا للخروج من وادى الحيتان ف وقت اقصاة الساعة (5.00) صباحاً
- بنطلع جبل المدورة عشان نشوف منه شروق الشمس
وبنتجه مباشرة لمحمية وادى الريان والشلالات .
وبمجرد وصولنا بنقعد نستمتع بأجواء المكان فى الهدوء مع مشهد المياه والشلالات وبناخد صور لبُحيره الريان من اروع البحيرات واجملهم الموجوده في مصر
و بعدها بنروح قرية تونس عشان نفطر و نشوف ورش الفخار ⚱️
✔️ تكلفة المغامرة شاملة :
1- الأنتقال ذهاب وعودة بباص موديل السنة مكيف
2- تصريح الدخول والمبيت بالمحمية .
3- تذاكر المبيت داخل المحمية لليوم التالي .
4- تذاكر المتحف المُغطى .
5- جولة حُره بالمتحف المفتوح .
6- الراقية .. الكامب فير ( قاعدة السمر حول النار ) .
7- محاضرة شرح فلكى مميزة وإستخدام تليسكوب يحرك آليا للرصد الفلكى .
8- تصوير كل المشاركيين مع النجوم باحدث معدات التصوير .
9 - زيارة شلالات الريان .
10- زيارة وادى الريان .
11 - جبل المدورة .
12 - وجبة فطار قبل مغادرة وادي الحيتان ( قطعة فطير ، جبنة بالطماطم ، عسل اسود ، بيضة مسلوقة ) .
13 - ووجبة العشاء ( ربع فرخة - خضار مطبوخ - أرز - سلطة )
✅ سعر الفرد : 2000 جنية
متاح 20 مكان فقط و الحضور بأولوية الحجز
📌 ملحوظة :
🔥 مدة الرحلة يومين بليلة مبيت والعودة بإذن الله صباح تاني يوم
🔥 يوجد حمامات في المحمية نظيفة افرنجي ومياه .
🔥 يوجد كافتريا بالمحمية لتقديم المشروبات
🔥 لو معاك خيمتك او المنامة او كيس النوم الخاصة بك او مش محتاج الخيمة اللي في المحمية فممكن تجيبهم لو حابب 😍
🔥 المحمية أماااان جدااا ومناسبة لجميع الاعمار ماعدا الاطفال الرُضع .
الأولوية بأسبقية الحجز .
📌 تنبيهات وتعليمات هامة :-
👈 محمية وادى الحيتان عبارة عن محمية طبيبعة ومنطقة تراث عالمى ومكان لحماية الحيوانات البرية .. ممنوع 🚫 منعا باتاً إلقاء اى نوع من انواع المُخلفات على الارض او على الرمال .. ممنوع محاولة اطعام الحيوانات البرية هناك بأى شكل من الاشكال لان دا بيدمر نظامها الغذائى والبيئى .. مش عاوزين نسيب ف المكان دا اكتر من بصمات رجلينا وبس 😊

👈 ملحوظة أخيره ... إحنا فى سفارى فبالتالى مفيش رفاهية الرحلات و الفنادق ومحدش بيخدم التاني يعني كلنا بنساعد بعض فى المشاركة وتبادل الخبرات ودي حاجات لازم تتعلمها اما المغامرة مش هيبقي ليها لازمه او معنى وحرصا منا علي سلامة الجميع برجاء الالتزامات بكافة التعليمات من قبل مُشرف الرحلة
- لو انت من الناس الي بتحب المغامرة والتجارب الجديدة والمميزة وتجربة الجبال والتخييم وبتستمتع بالطبيعة والفطرة يبقي الايفنت ده ليك رسمي لكن لو انت من هواة الفنادق والرفاهية والهوم سيرفس وبتتعب من تجربة الاشياء الجديدة والاستجمام بالطبيعة والنوم فى الخيم فعايز اقولك الايفنت ده مش هينفعك
.- النوم بيكون فى خيم⛺
السيدات لهم خيمة جماعية خاصة بهم وكذالك الرجال لهم خيمة جماعية خاصة بهم .
- الخيم مريحة ومفروشة بالكلين النوبى وعازلة للبرودة والحرارة والتجربة ممتعة .
بتكون عبارة عن خيم بدوية مصنوعة من القماش مثبتة بأعمدة من الحديد وهى خيم متوسطة الحجم تستوعب 10 أفراد بحد أقصى ( لا يزيد عدد الافراد داخل الخيمة عن 8 افراد ضمن سياستنا ) وتفرش ارضية الخيم بمفارش من الكلين النوبى … وتقسم لخيم خاصة بالبنات وخيم خاصة بالأولاد .. كما يتم فرش الأرضيات خارج الخيمة حيث ان الجلوس يكون دوما خارج الخيمة حول الكامب فاير للأستمتاع بمشهد السماء مع إمكانية النوم خارج الخيمة تحت ضوء النجوم
- فى حالة وجود زوج وزوجة ، أم وأطفالها ، فممكن توفير لهم خيمة هايكنج كنوع من الخصوصية لهم ‘ ( لكن الرجاء التأكيد على ده مٌُسبقاً عشان يتم تجهيزها بإذن الله قبل الرحلة ) ، وللتوضيح بتكون خيمة هايكنج بتكلفة أضافية 300ج للخيمة .
بتكون خيمة هايكنج أبعادها ( طول 2 متر ، عرض 2 متر ، ارتفاع 135 سم ) .
✅ إبعتلي رسالة على الصفحة عشان أحجزلك مكان معايا
#سافر_مع_علي #دمتم_مستكشفين #بتاع_مغامرات_مش_رحلات