Vandrekonsert på museet: 3 unike konsertar på Valdres Folkemuseum på Fagernes

Name: Vandrekonsert på museet: 3 unike konsertar på Valdres Folkemuseum på Fagernes
Start: 2026-02-21T12:00:00+01:00
End: 2026-02-21T14:00:00+01:00
Location: Valdres Folkemuseum

Schedule

Sat Feb 21 2026 at 12:00 pm to 02:00 pm

UTC+01:00

Location

Valdres Folkemuseum | Lillehammer, OP

Vandrekonserten inneheld tre konsertar med ulikt programinnhald på same konsertbillett. Du blir møtt av ein guide som følgjer deg rundt frå éin konsert til neste. Alle konsertane startar kl.12.00. Kvar konsert varar i 20 minutt, og så får du 10 minutt mellom konsertane til å kome deg til neste hus med neste konsert. Før eller etter konsertane er det moglegheit for lunsj på museet. Større grupper blir bedne om å bestille bord: [email protected] / +47 489 49 090
Valdres Folkemuseum er eit av dei største og eldste friluftsmusea i landet. I 2026 er det 125 år sidan museet vart stifta. Museet tilhøyrer museumsorganisasjonen Valdresmusea, som i 2022 vart kåra til årets museum i Noreg. Valdresmusea samarbeider med alt frå forskingssektoren til frivilligheita og musikk- og kulturlivet om store og små prosjekt, konsertar, festivalar og arrangement. Eit viktig satsingsområde for museet er folkemusikk og folkedans. Valdres Folkemuseum ligg på ei halvøy i Strøndafjorden, 800 meter frå Fagernes sentrum.
The Walking Concert consists of three concerts with different programs, all included on the same concert ticket. A guide will meet you and lead you from one concert to the next. All concerts begin at 12:00 PM. Each concert lasts for 20 minutes, followed by a 10-minute break to walk to the next venue. Before or after the concerts, there is an opportunity to enjoy lunch at the museum.
Valdres Folk Museum was established in 1901 and is one of the largest and oldest open-air museums in the country. It is consolidated with two smaller museums, and together they form Valdresmusea, which was named Norway’s Museum of the Year in 2022. Valdresmusea manages extensive collections and archives and collaborates with everything from the research sector and volunteers to the music and cultural community on concerts, festivals, and events. One of its key focus areas is folk music and folk dance.
Valdres Folk Museum is located on a peninsula in Strøndafjorden, just 800 meters from the center of Fagernes in Valdres.

Program
Konsert 1, Festsalen
Klassiske tonar med Eldbjørg Hemsing (fiolin), Raphaela Gromes (cello) og Julien Quentin (klaver)
Lengde: 20 min
Program
Frédéric Chopin: Waltz op. 64 nr. 2 i ciss-moll
Clara Schumann: Klavertrio g-moll, op. 17, 3. sats
Felix Mendelssohn: Klavertrio nr. 1, op. 49, 1. sats
Konsert 2, Rognebygningen
Folkemusikkstund med Unni Løvlid (song) og Johannes Martens (cello og hardingcello)
Lengde: 20 min
Menneske har alltid vandra – over heile verda, til alle tider. Frå uro og naud har dei søkt mot betre kår, for seg sjølve og for dei dei er glade i. Dette er dessverre eit brennaktuelt tema også i vår tid. Inspirert av Franz Schubert presenterer den folkekjære tradisjonsberaren og fornyaren Unni Løvlid songar om vandring og forflytting – både i tid og rom. Cellisten Johannes Martens akkompagnerer på sin nylaga hardingcello, bygd av felemakar og spelemann Ottar Kåsa. Johannes Martens var den første som bestilte ein hardingcello frå Kåsa, som til no har bygd tre slike. Dette er første gongen desse to framifrå musikarane møtest i samspel.
Konsert 3, Slidrehuset
Forteljarstund med Hanna-Maria Grønneberg (skodespelar)
Lengde: 20 min
Skodespelar Hanna-Maria Grønneberg inviterer til ei intim og nær forteljarstund under Hemsingfestivalen – i ein av dei stemningsfulle, gamle bygningane på Valdres Folkemuseum. Med varme, nærvær og sterk formidlingsevne tek ho publikum med inn i si eiga forteljingsverd, der små augeblink og store kjensler møtest i levande form. Grønneberg er utdanna ved Teaterhøgskulen og er blitt kjend både på scena og i ulike formidlingsprosjekt for born og vaksne. Ho har ei særskild evne til å skape kontakt med publikum – og gjere det nære og enkle til noko djupt gripande.