Tómstundadagurinn 2026: Mikilvægir aðrir í lífi fólks

Name: Tómstundadagurinn 2026: Mikilvægir aðrir í lífi fólks
Start: 2026-03-27T09:00:00+00:00
Location: Menntavísindasvið HÍ

Schedule

Fri, 27 Mar, 2026 at 09:00 am

UTC+00:00

Location

Menntavísindasvið HÍ | Reykjavík, RE

Tómstundadagurinn er árlegur viðburður námsbrautar í tómstunda- og félagsmálafræði við Háskóla Íslands og Rannsóknarstofu í tómstundafræði. Markmið með Tómstundadeginum er að vekja athygli á mikilvægi tómstunda og félagsstarfs fyrir samfélög, lífsgæði og þroska einstaklinga, styðja við samtal fagvettvangs og fræðasamfélags og beina sjónum að því sem er efst á baugi hverju sinni.
Tómstundadagurinn var fyrst haldinn árið 2015 að tilstuðlan námsbrautar í tómstunda- og félagsmálafræði við Háskóla Íslands og Rannsóknarstofu í tómstundafræði. Tómstundadagurinn hefur verið haldinn nær óslitið síðan og með ólíku sniði. Nemendur, fagfélög og fagvettvangur hafa alla jafna komið að deginum með einum eða öðrum hætti og þema Tómstundadagsins tengist alla jafna einhverju sem er efst á baugi hverju sinni. Sjónum hefur verið beint að eldri borgurum og tómstundum þeirra, óformlegu námi barna og unglinga í gegnum tómstundaþátttöku og frístundastarf, áskorunum sem fylgja tækni og samfélagsmiðlum, einelti, farsæld og útiveru svo eitthvað sé nefnt.
Að þessu sinni er yfirskrift Tómstundadagsins Mikilvægir aðrir í lífi fólks. Þar er vísað til hlutverks og fagmennsku þeirra sem starfa á vettvangi frítímans að tómstunda- og félagsstarfi með fólki á ólíkum aldri. Sjónum er alla jafna helst beint að börnum, unglingum og ungu fólki en tómstunda- og félagsmálafræðingar starfa m.a. einnig á heilbrigðisstofnunum, við endurhæfingu og við viðburðahald svo eitthvað sé nefnd.
Dagskrá
8.30 Morgunsamvera
9.30 Setning - Silja Bára R. Ómarsdóttir rektor Háskóla Íslands
9.35 Youth voices and natural disasters - Dr. Dane Stickney University of Colorado, Denver
9.50 Tómstundstarf og ungmennastefna stjórnvalda - Guðmundur Ari Sigurjónsson alþingismaður og tómstunda- og félagsmálafræðingur
10.05 Hugmyndir og draumar Fagfrí - Gísli Ólafsson formaður Fagfrí
10.20 Látum ekki sitja við orðin tóm - um starf orðanefndar í tómstundafræði - Hulda Valdís Valdimarsdóttir verkefnistjóri á frístundaskrifstofu SFS
10.35 Morgunsopi með hugtakavegg og spjalli
11.00 Að eflast sem tómstunda- og félagsmálafræðingur í starfi með jaðarsettum ungmennum - Melkorka Assa Arnardóttir meistari í tómstunda- og félagsmálafræði
11.15 Kynþátta- og menningarfordómar - Sema Erla Serdaroglu aðjúnkt
11.30 Álitamál og stefnumótun í málefnum ungs fólks - Eygló Rúnarsdóttir aðjúnkt
11.45 Stafrænt æskulýðsstarf - Benedikta Björg Sörensen Valtýsdóttir aðjúnkt
12.00 Hádegishlé
12.45 Tengsl og félagslegur stuðningur - Nýnemaferðirnar og þýðing þeirra - Vanda Sigurgeirsdóttir lektor
13.00 Fyrirmynd sem gefur öðrum hugrekki - Hekla Björk Hólmarsdóttir aðjúnkt við MVS
13.15 „Lögbundin leyniþjónusta“ - Frístundaheimilin á Íslandi, opinber sýnileiki og ósýnileiki - Steingerður Kristjándsóttir aðjúnkt
13.30 Frelsi og forvarnir - Árni Guðmundsson aðjúnkt
13.45 Óvissa og nýsköpun í Grindavík: Ungmennaþing og þátttökurannsókn með ungu fólki - Jakob F. Þorsteinsson lektor, Elínborg Ingvarsdóttir tómstunda- og félagsmálafræðingur, Kolbrún Dögg nemi í tómstunda- og félagsmálafræði og Dísa Jakobsdóttir kaospilot
14.00 Slit: Samantekt og horft til framtíðar - Kolbrún Pálsdóttir sviðsforseti Menntavísindasvið
14.15 Lok

Tómstundadagurinn er í samstarfi við Félag fagfólks í frítímaþjónustu og Fagfrí - Landssamtök um fagþróun frístundaheimila