Saman les me stille åleine. Sesongopning og stillelesing på Nynorsk bokhandel

Nynorsk bokhandel fyller hyllene til bokhausten, og inviterer til ein time med stillelesing sundag 30. august kl. 14. Ta med ei bok eller kom å sjå kva bokhandelen har å by på. Du MÅ ikkje lese ei nynorskbok, men du vil få anerkjennande blikk om du gjer det.
Me opnar kl 14, og serverer kaffi og noko å bite i. Fyrste halvtimen kan de surre rundt kjøpe bok og fylle på koppen. Så set me oss ned og les stille ein time. Så er det opent for fjas og prat. Kanskje vil du diskutere boka med nabolesaren, eller kanskje må du kjøpe ny bok fordi du var ferdig å lese. Alt kan skje!