Rince Seit le AAG (Bealtaine)

Bígí linn le céimeanna an rince seit a fhoghlaim ó Patricia Ní Bhroin!

Tá muid an-bhuíoch d'Fhoras na Gaeilge as a halla a chur ar fáil don seisiún.

Ná bí buartha ar chor ar bith mura bhfuil aon chleachtadh agat ar an rince seit cheana: léireofar gach rud ón tús agus rachfar trí na céimeanna diaidh ar ndiaidh. Is múinteoir den scoth í Patricia agus tá sí tar éis ceardlann a dhearadh atá feiliúnach don phobal uile, an pobal LADTAIÉ+ san áireamh. Beidh craic den scoth againn!

Beidh muid ag cur allais mar sin beir leat:

• buidéal uisce
• t-léine sa mbreis
  Tá fáilte roimh chách: aiteach nó díreach; mná, fir agus daoine neamhdhénártha!

Is cineál de dhamhsa sóisialta é an rince seit a dhíorthaítear ó chuadraillí na Fraince san 18ú haois. Cuimsíonn sé roinnt (cúpla dosaen) damhsaí ainmnithe a dhéanann ochtar rinceoirí/ceithre phéire. Is éard atá i ngach rince nó ‘seit’ ná trí go seacht (ceithre nó cúig go minic) ‘figiúir’ ghearra (90-180 soicind le déanamh, den chuid is mó) a dhéantar a rince in ord, le sos idir gach dá fhigiúr. Déantar na damhsaí i dtiúin le cineálacha éagsúla foinn rince thraidisiúnta na hÉireann, lena n-áirítear ríleanna, poirt, cornphíopaí, sleamhnáin, polcaí agus flaing. Is féidir figiúirí seit a rince i dtiúin leis an gcineál céanna fonn, nó le cineálacha éagsúla fonn. Is suntasach an úsáid a bhaintear as cineálacha éagsúla fonn, de réir mar a ghluaiseann corp rinceora ar bhealaí beagán difriúla chun na céimeanna a oireann do na cineálacha éagsúla fonn a dhéanamh.

– Foinse: https://nationalinventoryich.tcagsm.gov.ie/ga/rince-seit-na-heireann/

Know what’s Happening Next — before everyone else does.

Get App

Host or Publisher AerachAiteachGaelach