No Finish Line Skopje

100 часовен фестивал на трчање и одење.
Ова не е трка за медал или маичка, туку хуманитарно движење на децата и граѓаните на Скопје.
Целта е да поминеме колку можеме повеќе километри и да обезбедиме донација за секој километар по 1 евро.
Целата сума од донациите оди во Детската болница Козле за подобри услови за лечење на децата од Скопје.
Со купен број за 100 часовниот предизвик можете да учествувате на настанот кога сакате и колку пати сакате.
Можете да учествувате на секоја трка од програмата или да дојдете секоја вечер во 18 часот на зумба и настапи на диџеи, пејачи, групи.
Можете да трчате или одите заедно со вашето милениче, за кое стартен број ви треба само ако сакате да учествувате на трката со домашни миленици (петок во 17 часот)
За домашните миленици треба да се почитуваат неколку правила:
- Сите кучиња мора да бидат на краток, нерастеглив поводник во текот на целиот настан.
- Дозволено е учество само на социјализирани и вакцинирани миленици.
- Милениците мора да бидат постари од 4–6 месеци за да се избегне преморување на премногу млади кученца.
- Секој сопственик е задолжен самиот да го исчисти изметот зад својот миленик.
- Организаторот го задржува правото да отстрани секое куче кое покажува знаци на агресија кон луѓе или други животни.
За децата од градинки и основни училишта стартните броеви се бесплатни ако доаѓаат организирано. Ако градинката или основното училиште на вашите деца немаат организирано учество, а вие имате стартен број слободно дојдете заедно да трчате или одите. Секое дете со придружник кој се грижи за неговата безбедност на патеката ќе добие бесплатен стартен број.
Лицата со било каква попреченост и нивниот придружник, пријавени преку Фондацијата Ице Бегов учествуваат бесплатно на Инклузивната трка (среда)... но и кога сакаат и колку пати сакаат додека трае настанот.
Поради најави за масовно учество на децата од основните училишта, бројот на пријави за граѓаните го ограничуваме на 1.000
Пријавувањето е отворено www.nofinishlineskopje.com