Málþing um alþýðuhljóðfæri og danslög

Name: Málþing um alþýðuhljóðfæri og danslög
Start: 2025-09-21T13:30:00+00:00
End: 2025-09-21T17:00:00+00:00
Location: Arngrímsgata 5, 107 Reykjavík, Iceland

Schedule

Sun Sep 21 2025 at 01:30 pm to 05:00 pm

UTC+00:00

Location

Arngrímsgata 5, 107 Reykjavík, Iceland | Reykjavík, RE

Efnt er til málþingsins í tilefni af útkomu bókarinnar Danslög Jónasar.
Í bókinni eru gefin út lög fyrir fiðlu sem Jónas Helgason (1839–1903) skráði í litla nótnabók sem nú er varðveitt í handritasafni Landsbókasafns Íslands – Háskólabókasafns. Birtar eru ljósmyndir af handritinu í raunstærð ásamt aðgengilegum uppskriftum allra laganna í því.
Jónas og Helgi, bróðir hans, voru vinsælir fiðluleikarar og danstónlistarmenn í Reykjavík á sjöunda áratug 19. aldar og bókin inniheldur einnig upplýsingar um Jónas, alþýðufiðluleik á Íslandi og sögu dansmenningar 19. aldar í Reykjavík. Sumt af þessu verður einnig fjallað um á málþinginu ásamt því sem talað verður almennt um alþýðuhljóðfæri og þjóðlagatónlist.
Markmið útgáfunnar og málþingsins er að kynna ríkan menningararf sem birtist í Danslögum Jónasar með ósk um að hún veiti tónlistarfólki innblástur til að halda áfram að spila þessa tónlist á fiðlur og önnur hljóðfæri, tónlistarinnar verði notið og dansað verði við hana.
Málþingið er hluti af dagskrá þjóðlistahátíðar Vökufélagsins: https://www.vakareykjavik.is/.
Fyrirlestrar:
- Rósa Þorsteinsdóttir: Alþýðuhljóðfæri á Íslandi
- Mette Vårdal: When does culture become national? About innovation, assimilation and tradition in folk culture
- Herdís Anna Jónsdóttir: Fiðlumenning í Suður-Þingeyjarsýslu
- Vegar Vårdal: How I understand the fiddle recordings in Ismus in light of the Nordic folk music
- Atli Freyr Hjaltason: Þjóðdansar eða menningararfur. Dansmenning 19. aldar
Dans á eftir.