Konferenz - Baue fir d’Zukunft – Holzbau um Préifstand

Name: Konferenz - Baue fir d’Zukunft – Holzbau um Préifstand
Start: 2025-09-30T18:30:00+02:00
End: 2025-09-30T20:00:00+02:00
Location: 25, rue Münster, 2160 Luxembourg, Luxembourg

Schedule

Tue Sep 30 2025 at 06:30 pm to 08:00 pm

UTC+02:00

Location

25, rue Münster, 2160 Luxembourg, Luxembourg | Luxembourg, LU

Mat ronn 40% ass de Bau an de Betrieb vun eise Gebeier zu engem groussen Deel um Klimawandel verantwortlech. Gespuert a verbessert gëtt an der Bauindustrie allerdéngs wéineg. Alleng d’Zementindustrie veruersaacht méi CO2-Emissionen wéi de weltwäiten Fliigerverkéier. Spueren ass keen Ureiz - Beton ass haut méi bëlleg wéi Waasser am Supermarché. Ännerunge sinn dowéinst net a Siicht – ze lues an agesiess ass d’Branche fir Innovatiounen ëmzesetzen, ze wéineg fuedert de politeschen Discours. Den Holzbau wëll dest änneren, a baut mëttlerweil Héichhaiser aus Holz. Mee ass eng Transformatioun iwwerhaapt méiglech?
Holz gëlt als Baustoff vum 21. Jorhonnert. Holz ass liicht, wiisst no, bënd CO2 a späichert dëse beim Bauen an de Gebeier – ronn eng Tonn CO2 pro Qubikmeter Holz. Wärend den natierleche Wierkstoff an de vergaangenen 200 Joer duerch säi Brandverhalen an den Hannergrond gerutscht ass, gëtt haut e Comeback gefeiert. Holz ass nees an der Moud. Fuerschung an Ëntwécklung dreiwen de Baustoff op Héchstleeschtung fir eng kompetitiv Alternativ zu Beton a Stol unzebidden.
Weltwäit fuerschen Instituter hei fir eng Transformatioun um Bau unzestriewen, sou och d’ETH Zürich. Niewt zukunftsweisenden Innovatiounen ginn an der Schwäiz ënnert anerem Konstruktiounen fir Holzhéichhaiser op Béien a Briechen getest. Aktuell läit de Rekord bei 86 m. Weltwäit ass eng Course z’erkennen, wien de nächsten Holzhéichhaus-Rekord brécht. Gebeier zwëschen 100-150 m sti kuerz vierum Bau. Mee mécht dest Sënn, eng Renaissance vum eelste Baustoff unzestriewen? Abléck an Äntwerten iwwert d’Bauen mat der natierlecher Ressource Holz: Aktuelle Stand, Fuerschung, Grenzen.
Riedner: Charles Binck
De Charel Binck, (gebuer 1990 zu Lëtzebuerg) ass Doktorand a wëssenschaftleche Mataarbechter um 'Institut für Baustatik und Konstruktion' vun der ETH Zürich. Hie war Projektleeder an Holzbau Verantwortleche bei Schnetzer Puskas Ingenieure zu Basel.