Jóladraumar- afslöppuð sýning 21. desember
Schedule
Sun Dec 21 2025 at 11:00 am to 12:00 pm
UTC+00:00Location
Listabraut 3, 103 Reykjavík, Iceland | Reykjavík, RE
Advertisement
Jóladraumar – afslöppuð sýning 21. desember kl. 11:00Íslenski dansflokkurinn býður til afslappaðrar sýningar á Jóladraumum sunnudaginn 21. desember klukkan 11:00 í Borgarleikhúsinu. Sýningin er sérstaklega hönnuð til að skapa rólegt og aðgengilegt umhverfi fyrir alla fjölskylduna og hentar vel þeim sem hafa fjölbreyttar skynrænar þarfir.
Ljós í salnum verða dempuð og hurðin opin allan tímann svo gestir geti hreyft sig, komið og farið eftir þörfum. Færri áhorfendur verða í salnum og í forsal verður skynrými þar sem hægt er að draga sig í hlé. Heyrnarskjól eru í boði og aðgengisfulltrúar, greinilega merktir, taka á móti gestum og veita aðstoð.
Opnað verður inn í sal hálftíma fyrir sýningu fyrir þá sem vilja kynna sér rýmið áður en sýning hefst. Sýningin sjálf er 40 mínútur og að henni lokinni verður slegið upp notalegu jólaballi þar sem Harpa Arnardóttir leiðir dans í kringum lifandi jólatréð. Þátttaka er valkvæð og börn jafnt sem fullorðnir eru hvattir til að taka þátt eins og þeim hentar.
Í sýningunni mætir áhorfandinn heimi stúlkunnar, sem fer í ævintýralega ferð í leit að jólaandanum. Á leið sinni hittir hún meðal annars fúlan jólakött, hræddan héra, jólaskötu og fleiri furðulegar, skemmtilegar verur sem hjálpa henni að uppgötva að jólaandinn býr innra með henni sjálfri. Tónlistin er blanda af frumsömdum lögum Ásgeirs Aðalsteinssonar, útsetningum hans á kunnuglegum jólalögum og sígildum tónum úr A Charlie Brown Christmas.
Borgarleikhúsið býður upp á fjölbreytt aðgengi, bæði tröppulaus svæði, hjólastólaaðgengi og möguleika á láni á hjólastól. Allir salir eru búnir tónmöskva fyrir notendur heyrnartækja og í forsal er hægt að fá móttakara og heyrnarhlífar. Fyrir blinda og sjónskerta er í boði 20 mínútna snerti-skoðunarferð þar sem snerta má leikmynd og leikmuni áður en sýningin hefst; bókanir fara fram í gegnum miðasölu.
Í lok sýningar geta gestir skrifað jólakveðju á fallegt kort og sett í rauða póstkassann framan við sviðið – um framhaldið sér pósturinn. Jóladraumar hentar öllum börnum frá tveggja ára aldri, óháð móðurmáli, og er upplögð leið til að skapa notalega, friðsæla aðventustund með fjölskyldunni.
Gleðilega Jóladrauma!
Advertisement
Where is it happening?
Listabraut 3, 103 Reykjavík, Iceland, Listabraut 3, 103 Reykjavíkurborg, Ísland, Reykjavík, IcelandEvent Location & Nearby Stays:
Know what’s Happening Next — before everyone else does.
