Hljómsveitarstjóraakademían: Opnir hádegistónleikar

Sinfóníuhljómsveit Íslands heldur nú í áttunda sinn námskeið í hljómsveitarstjórn en í ár er það Daníel Bjarnason sem leiðbeinir námskeiðinu. Í akademíunni fær ungt og efnilegt tónlistarfólk tækifæri til þess að spreyta sig á stjórnandapallinum og stjórna hljómsveitinni, undir styrkri handleiðslu Daníels. Akademían er fyrst og fremst vettvangur nemenda sem lokið hafa miðprófi hið minnsta í hljóðfæraleik eða söng. Völdum nemendum gefst svo tækifæri til að stjórna Sinfóníuhljómsveit Íslands á opnum hádegistónleikum í lok námskeiðsins.
Viðburðurinn er öllum opinn og geta gestir fylgst með þessum hæfileikaríku stjórnendum stíga sín fyrstu skref á pallinum.
Aðgangur er ókeypis. Gengið er inn í Eldborg um inngang 2A.
Efnisskrá:
Felix Mendelsohn: Sinfónía nr. 4, ítalska sinfónían
Daníel Bjarnason: Air to Breath
Leiðbeinandi:
Daníel Bjarnason