Helene Bester sing Nana Mouskouri

Name: Helene Bester sing Nana Mouskouri
Start: 2025-03-18T19:00:00+02:00
Location: Cnr Of Lynnwood Rd And Daventry St, 0081 Lynnwood, South Africa

Schedule

Tue, 18 Mar, 2025 at 07:00 pm

UTC+02:00

Location

Cnr Of Lynnwood Rd And Daventry St, 0081 Lynnwood, South Africa | Pretoria, GT

Gewilde sangeres Helenè Bester bring die musiek van die ikoniese Griekse sangeres, Nana Mouskouri, opnuut tot lewe in haar trefferproduksie, Helenè Bester sing Nana Mouskouri. Sedert die bekroonde première by die Oppiwater Kunstefees in 2019, het hierdie vertoning gehore regoor die land betower. Nou keer dit terug na die verhoog by die Fairtree Atterbury Teater op Dinsdag, 18 Maart om 19:00. Besprekings is beskikbaar by www.seatme.co.za. Hierdie pragtige vertoning is geskep en geregisseer deur Frans Swart van Lefra Produksies, met Heinrich Pelser as musiekregisseur en begeleier. Dit neem gehore op ’n nostalgiese reis deur Mouskouri se grootste treffers—’n tydlose musiekerfenis wat nou deur Helenè se unieke vertolking gevier word. “Ek het nog altyd gedroom om ’n Nana-show te doen,” sê Helenè. “My suster en ek het met haar musiek grootgeword—ons het selfs gedink sy is een van my ma se vriendinne omdat hulle so baie na mekaar lyk! Maar ek glo die tyd is nou reg om hierdie huldeblyk te bring want ek is ’n bietjie ouer. My stem het oor die jare volwasse geword, en ek kan nou op ’n dieper, meer egte manier met haar musiek verbind.” Om die essensie van Mouskouri se kuns tot in die fynste detail vas te vang, het Helenè haar vertonings sorgvuldig bestudeer—elke gebaar, elke noot en elke oomblik op die verhoog word noukeurig uitgevoer. Regisseur Frans Swart is net so entoesiasties oor die produksie: “Toe Helenè my nader met hierdie idee, het ek dadelik geweet dis iets besonders. Daar is niemand beter as sy om die grasie en tydlose bekoring van Nana Mouskouri te vier nie.” Kom beleef ‘n aand van nostalgie, elegansie en onvergéetlike musiek.