Hekken
Schedule
Sat Apr 25 2026 at 02:00 pm to 02:45 pm
UTC+02:00Location
Det Vestnorske Teateret, LOGEN: Øvre Ole Bulls plass 6, 5012 Bergen, Norway | Bergen, HO
Advertisement
HEKKEN er ei sanseleg og leiken teateroppleving for barn med funksjonsvariasjonar – ei vandring inn i ei irrgrøn verd av former, lydar og rørsler. Ei tilrettelagd framsyning av Makalaus produksjonar, produsert i samarbeid med Det Vestnorske Teateret.Om framsyninga
Lengtar du etter vår og mildare vêr?
På Scene 2 finst det ei heilt eiga verd, ein grøn oase! Gartnaren tek godt vare på denne frodige hagen. Ho er ein meister i faget sitt og har full kontroll. No gler ho seg til å ta imot dykk!
Men alt er ikkje som det skal. Nokon tullar visst med gartnaren. Plantar flyttar på seg, og vasskanna ligg ikkje der ho pleier! Kva er det som skjer? Er det nokon som har flytta inn i Hekken?
HEKKEN er særleg tilrettelagd for barn med funksjonsvariasjonar, men er open for alle. I HEKKEN kan ein røra seg fritt rundt og gå inn og ut av rommet slik ein sjølv ønskjer. Her er alle velkomne.
I forkant av framsyninga vil publikum få tilsendt eit introduksjonshefte med informasjon om innhaldet. Slik kan dei som treng litt ekstra førebuing, få høve til det.
I scenerommet møter de gartnaren, som er vertinna dykkar gjennom opplevinga. Framsyninga handlar om vennskap, leik og nysgjerrigheit.
Scene: Scene 2 på Det Vestnorske Teateret
Varigheit: ca. 40–60 minutt
For barn
Makalaus produksjonar er eit teaterkompani som utviklar sanselege teateropplevingar. Kompaniet fokuserer særleg på å skape framsyningar for barn og unge med funksjonsvariasjonar. Hekken er kompaniet sin første produksjon.
Kunstnarleg lag
Regi/koreografi: Ingrid Askvik/Berit Einemo Frøysland
Kostyme- og scenografidesign: Tora Troe
Skapande skodespelarar: Sacha Slengesol Balgobin og Stine R. Svellingen
Utøvande musikar: Kaja Linder Henriksen
Komponist: Emily Adomah
Lysdesign: Randiane Sandboe
Musikalsk medhjelpar: Elise Nonseid
Produsentar: Stine R. Svellingen & Tora Troe
Produsert ved Det Vestnorske Teateret
Produksjonen er støtta av:
Kulturrådet / Kulturdirektoratet, Kulturtanken, Vestland fylkeskommune , A/S Bergen Teater og Dramatiske Selskab, Grieg Foundation, Bergen kommune, Fond For Utøvende Kunstnere (FFUK), Bergesenstiftelsen, Scenekunstbruket, Seanse, senter for kunstproduksjon, Fana Sparebank.
Advertisement
Where is it happening?
Det Vestnorske Teateret, LOGEN: Øvre Ole Bulls plass 6, 5012 Bergen, Norway, Det Vestnorske Teateret, Øvre Ole Bulls plass, 5012 Bergen, Norge, Bergen, NorwayEvent Location & Nearby Stays:
Know what’s Happening Next — before everyone else does.
