E Y J A frumsýning

Name: E Y J A frumsýning
Start: 2025-09-24T16:30:00+00:00
Location: Smárabíó

Schedule

Wed, 24 Sep, 2025 at 04:30 pm

UTC+00:00

Location

Smárabíó | Kopavogur, GU

Það er mér sönn ánægja að tilkynna að heimildarmyndin E Y J A verður frumsýnd í Smárabíó þann 24. september. Mæting er kl. 16:30 og hvet ég gesti eindregið að mæta tímanlega, sérstaklega ef þeir vilja næla sér í veitingar áður en gengið er inn í sal.
Ef þú hefur ekki enn búinn að forpanta miða, geturðu gert það í gegnum eftirfarandi hlekk og fylgt einföldum leiðbeiningum:
👉 Smelltu hér: https://forms.gle/iokq5sj5qZMYXE7c6
Í myndinni fylgi ég föður mínum í hans síðustu vinnuferð í Hlöðuvík á Hornströndum, þar sem móðir hans – Eyja – ólst upp. Þar ætlar hann að ljúka sínu síðasta lífsverki áður en hann kveður þennan heim. Ferðalagið fléttast saman við endurminningar Eyju um æskuárin á þessum afskekkta stað – sögur sem endurspegla bæði harðneskju náttúrunnar og hlýju mannlegra tengsla, sem og arfleifð kynslóða sem mótuðu lífið á Hornströndum.
Heimildarmyndin er 72 mínútur að lengd, með íslensku tali og enskum texta.
Eyja er fjölskylduverkefni í grunninn, til orðið til að styrkja tengsl mín við pabba og frændfólk mitt sem hefur reynst mér ómetanlegt í þessu ferli. Margir sem lögðu hönd á plóg eiga rætur sínar að rekja til Hornstranda. Sögusviðið er Hælavík, Hlöðuvík og Hesteyri.
Myndin verður einnig sýnd á Pigeon International Film Festival (PIFF) á Ísafirði dagana 9.–12. október, og var forsýnd í samstarfi við Hornstrandir Film Festival (HFF) þann 14. ágúst sl.
Stikla: