Den store klesbytedagen

Name: Den store klesbytedagen
Start: 2026-04-25T10:00:00+02:00
End: 2026-04-25T15:00:00+02:00
Location: Sartorvegen 12, 5353 Straume, Norway

Schedule

Sat Apr 25 2026 at 10:00 am to 03:00 pm

UTC+02:00

Location

Sartorvegen 12, 5353 Straume, Norway | Bergen, HO

Bytt dei gamle klesskattane du ikkje bruker lenger – og få nye favorittar i retur samtidig som du sparer miljøet!
Laurdag 25. april kjem Den store klesbytedagen til biblioteket.
I regi av Naturvernforbundet samarbeider Øygarden Frivilligsentral, Sotra Husflidslag, Naturvernforbundet og Øygarden innbyggartorg og bibliotek også i 2026 om Klesbytedagen.
Mange av oss har alt for mykje klede allereie. Samtidig ønsker vi oss noko nytt. Laurdag 25. april arrangerast det klesbytefest på Straume bibliotek og innbyggjartorg frå klokka 10 til 15 for deg som vil fornye klesskapet på ein miljøvenleg måte.
Klesbytekonseptet er enkelt: Finn frem opp til sju heile, fine og reine plagg frå bakarst i klesskapet. Ikkje sko eller undertøy. For kvart plagg du har med deg får du ein kupong du bruker til å byte til deg eit nytt plagg som du faktisk har lyst til å bruka.
Innlevering av klede:
Innbyggartorg og bibliotek på Skogsskiftet og Rong
Tysdag 21. april 12-16
Torsdag 23. april 10-19
Innbyggartorg og bibliotek på Straume
Onsdag 22. april 10-16
Torsdag 23. april 12-19
Fredag 24. april 10-16
Laurdag 25. april 10-14
Det er veldig fint om du kjem med klede i dagane før klesbytedagen. Klede som vert til overs etter arrangementet leverast til eit godt formål.
Fikselaug
På klesbytedagen på biblioteket stiller også Sotra Husflidslag med eit «Fikselaug» med smilande reparasjonskompetanse frå kl. 10-15. Dei har med utstyr for vøling, stopping og bøting, og kan visa deg korleis du kan koma i gang med å gje sokkane eller plagga dine eit nytt og vidare liv.
Ta gjerne med deg plagg som du lurer på om kan fiksast, så kan du få nokre gode tips eller rettleiing i korleis gje plagget eit nytt liv. Det blir også vist eksempel på redesign og det er mogleg å få litt inspirasjon til dette også.
Velkomen til ein kjekk dag i lag med oss. Det blir også ein liten kafékrok der du kan setja deg ned med ein kopp kaffi og ein vaffel og tenkje over bytehandelen.