ფილმების პრემიერა და "დოვლათის" პრეზენტაცია
Schedule
Thu, 18 Dec, 2025 at 08:00 pm
UTC+04:00Location
კინოთეატრი ამირანი | Tbilisi, TB
Advertisement
18 დეკემბერს, 20:00 საათზე, ამირანის 1, დიდ დარბაზში, გიწვევთ საბუკოს ახალი დოკუმენტური ფილმების: "ივრის ზეგანი" და "საზიარო მიწა" პრემიერასა და ბრენდის "დოვლათი" პრეზენტაციაზე. ივრის ზეგანი ერთადერთი ზამთრის საძოვარია საქართველოში. ამ ტერიტორიის გარეშე, მომთაბარე მეცხვარეობის უძველესი ტრადიციის შენარჩუნება ძალიან რთული იქნებოდა.
ყოველ წელს, შემოდგომის მიწურულს, მეცხვარეები თუშეთიდან თუ სამცხე-ჯავახეთიდან, ფეხით მოუყვებიან უგრძეს გზას კახეთისკენ.
კლიმატის ცვლილების ფონზე, არსებულ დატვირთვას ზამთრის საძოვარი ვერ უძლებს, ნიადაგი იფიტება, იწყება ეროზია და ბალახი წლიდან წლამდე მცირდება.
ბევრი ფიქრის შემდეგ, საბუკომ შექმნა ქოლგა ბრენდი „დოვლათი“, რომელიც აკავშირებს მომთაბარე მეცხვარეობის საუკუნოვან ტრადიციასა და თანამედროვე კონსერვაციულ საჭიროებებს იმისთვის, რომ შენარჩუნდეს ლანდშაფტი, სადაც ადამიანი და ველური ბუნება ჰარმონიულად შეძლებს თანაარსებობას.
“დოვლათმა” პირველ ეტაპზე უკვე დააკავშირა ტრადიციული გუდის ყველის მწარმოებლები და ბიზნესის წარმომადგენლები, რის შედეგადაც, რძის პროდუქტების გაყიდვა მეცხვარეებისთვის სტაბილური შემოსავლის წყარო გახდება და ცხვრის რაოდენობის ზრდა აღარ დასჭირდებათ.
შემდეგ ეტაპზე “დოვლათს” სხვა ცხვრის პროდუქტებიც დაემატება და ამ სამომავლო გეგმებს ღონისძიებაზე გაგაცნობთ.
თავად ღონისძიების მთავარი ნაწილი კი დოკუმენტური ფილმებია:
“ივრის ზეგანი” - გვიყვება გერმანელ კაცზე, რომელიც ივრის ზეგანზე პირველად მოხვედრისას დაიკარგა, შემდეგ კი აქ, საკუთარ ტრაილერში მოწყობილ სახლში, იმდენ ხანს იცხოვრა, სანამ მიწის ყველა გოჯი ზეპირად არ შეისწავლა. ეს კაცი მარინუს გებჰარტია, ჩვენი საძოვრების აღდგენის ექსპერტი და დაუვიწყარი ლანდშაფტების ფონზე, მოგვითხრობს საბუკოს ძალისხმევასა და გეგმებზე.
“საზიარო მიწა” კი გვაცნობს მეცხვარეებს, რომელთაც ჯერ ივრის ზეგანზე ვსტუმრობდით, შემდეგ კი მთის თოვლიან კალთებზე ფარის გადარეკვისას დავემგზავრეთ და საბოლოოდ, თუშეთში, ყველის ამოყვანის და შენახვის პროცესსაც დავესწარით.
მათ მიერ წარმოებული ყველის დეგუსტაციას ღონისძიების სტუმრები ფოეიეში შეძლებენ, სადაც ასევე დაგხვდებათ მეწარმეები და მათი ნამუშევრები, ფოტოგამოფენა, ბავშვების გასართობი კუთხე და ბევრი საინტერესო ამბავი, რისი მოყოლაც თქვენთვის დიდი ხანია გვინდა.
დასწრება თავისუფალია.
Advertisement
Where is it happening?
კინოთეატრი ამირანი, smart Photos, მერაბ კოსტავას ქუჩა, თბილისი, საქართველო, Tbilisi, GeorgiaEvent Location & Nearby Stays:
Know what’s Happening Next — before everyone else does.
