तितली Ki Diary: by Vyakhyaa (ft. Stuti Tiwary)

Ye kahani ek aisi ladki ki hai, jo titali ki tarah naazuk bhi hai aur buland hauslon se bhari bhi.

Woh tootti hai, bikharati hai, lekin har baar naye rangon ke saath apne pankh phir se saja leti hai.

Kabhi uske sapnon par bandishein laga di jaati hain, kabhi uski udaan ko rokne ki koshish ki jaati hai - par usne haar maanna kabhi nahi seekha.

Ye kahani uske pyaar ki hai, jahan woh toot kar bhi pyaar karna nahi chhodti.

Ye ummeed ki kahani hai, jahan andhere ke baad bhi woh roshni dhoond leti hai.

Aur ye dard ki kahani hai, jahan chot lagti hai, par woh us dard ko kavita bana deti hai.

Is kahani mein hasi bhi hogi, sachchai bhi; thodi si shararat aur bahut si khamoshi bhi.

Ye kahani sirf us ladki ki nahi hai.

Ye kahani aapki hai, meri hai - hum sab ki hai, jo toot kar bhi udna nahi bhoolte.