جولة ٤ لإستكشاف بحيرة ناصر
Schedule
Sun Oct 27 2024 at 04:00 pm to Sun Nov 03 2024 at 06:00 am
UTC+03:00Location
Egypt, القاهرة، محافظة القاهرة، مصر | Cairo, QH
Advertisement
اسبوع كامل 5 أيام كاملة على ظهر يخت سياحى إبحار داخل بحيرة ناصر
من اسوان حتى أبو سمبل
------------------------------------------------------------------------
رحلة الأحلاااااااام بحق
فى أجمل وأروع وأهدى مكان على الكوكب وفى اروع مكان فى مصر واروع طبيعة وجو ممكن تشوفهم فى حياتك.
من خبرة 18 سنة فى بحيرة ناصر وللمرة الـ 22
في رحاب حابي بحيرة النوبة "ناصر" التي لا تعرفونها
-----------------------------------------------------------------------
واذا كنت من عشاق المناظر الطبيعيه ومهتم بالحياه البريه ومراقبة وتصوير الطيور.
لو مهتم بالتاريخ المصري القديم وعايز تزور معابد ومقابر بديعه ومتفرده، ولو عندك شغف المغامره وولع استكشاف الاماكن الجديده. ولو بتحب حياة السفاري والنوم تحت ملايين النجوم وعايز تقضي ايام وسط الطبيعه البكر الصافية يبقي الايفنت ده معمول علشانك.
هانعمل رحله لاكثر اماكن مصر ابهارا وغموضا، ارض النوبه القديمه، بلاد الذهب
وبعدها هانبحر في اكبر بحيرة صناعية في العالم ( بحيرة النوبه ) وهانقضي في المركب 5 ايام كاملة من المتعه الخالصه هانزور خلالها اشهر معالم البحيره بدايه من معبد كلابشه ومعبد بيت الوالي ومقصورة حتحور وهاتشوف نماذج لاثار الانسان الاول في مصر وبعد كده هانعدى علي جرف حسين ونزور معبد السبوع الشهير والمحرقه والدكه ومقبرة بنوت وبعدها معبد عمدا ومعبد الدر.
وقصر ابريم ونشوف استراحة السادات ومعبدي ابو سمبل الشهيرين.
خلال الابحار في بحيرة ناصر هانستمتع باروع مناظر اللاندسكيب ونعمل هايك علي الديونات الرمليه في المالكي ( واللي قلبه جامد ممكن ينزل معانا نعوم هناك ) وهاندخل اشهر واجمل اخوار البحيره.
هانعرف بنفسنا ليه بحيرة ناصر تعتبر قبلة لعشاق تصوير ومراقبة الطيور وهناك هانشوف اشهر واجمل الطيور المهاجره والمقيمه وهانتعرف عن قرب علي معيشة الصيادين في البحيره وطبعا هاتاكل اجمل سمك ممكن تاكله في حياتك.
-------------------------------------------------------------------------------
التفاصيل
------------
- اليوم الاول الأحد 27 أكتوبر
يوم شغل عادى
التجمع الساعه 4 عصراً في محطه قطار رمسيس وصول اسوان الساعه السادسه والنصف صباحا بمشيئه الله
---------------------------------------------------------------------------
- اليوم الثانى
هانتجه علي طول الي ميناء السد نبدا بزياره معبدى كلابشه وبيت الوالي ومعبد جرف حسين ومقصوره حتحور ، ونشوف مخربشات انسان ماقبل التاريخ. بعدها نستلم المركب و نبدا ابحار في بحيرة النوبه، وهنوصل لقرية جرف حسين ونرسى هناك
---------------------------------------------------------------------------
- اليوم الثالث
الافطار وزيارة قرية جرف حسين وحضور مزادات وبيع السمك فى الميناء
ثم ابحار في البحيره والرسو وزيارة منطقه معابد السبوع معبد السبوع والدكه والمحرقه.
---------------------------------------------------------------------------
- اليوم الرابع
الافطار والتحرك لزيارة منطقة وادى العرب وكثبان المالكى الرملية الساحرة
نكمل ابحار ونرسو بالقرب من معبد عمدا.
---------------------------------------------------------------------------
- اليوم الخامس
الافطار و نزور منطقه معابد عمدا والدر وبنوت ونستكمل الابحار في اجمل اخوار البحيره ونزور قصر ابريم و خور المطار
---------------------------------------------------------------------------
- اليوم السادس
الافطار ثم الوصول لمدينة أبو سمبل وحضور حفلة الصوت والضوء بمعبد أبو سمبل وجولة حرة بالمدينة
---------------------------------------------------------------------------
- اليوم السابع
الافطار والتجهز للعودة لأسوان والتحرك بميكروباصات هاى أس حتى أسوان وركوب قطار الساعة 3 عصراً.
---------------------------------------------------------------------------
اليوم الثامن -
الوصول الي القاهره الخامسة فجر يوم الأحد 3 نوفمبر بمشيئة الله.
يوم شغل عادى
****************************************************************************
السفر ذهابا وعوده بقطار الدرجة الأولى VIP
ويمكن خصم تمن التذاكر لو حابب تحجز قطر نوم او طيارة بمعرفتك
-----------------------------------------------------------------------------------
التجهيزات :
كشاف رأس أو عادى لو أمكن - مايوه - حذاء رياضى أو هايكنج - كاميرا أساسى - باور بنك - شنطة ضهر خفيفة وأقل ما يمكن من الملابس الصيفى وجاكت واحد أحتياطى. - مستلزماتك الشخصية وبطاقتك الشخصية.
مستوى الصعوبة : بسيط
الرحلة غير شاقة ومناسبة لكبار السن والأطفال أكبر من 10 سنوات بتذكرة كاملة وتحت مسئولية الأهل.
رحلاتنا استكشافية مغامراتيه ولا تمت للرحلات المرفهة والـ 5 نجوم بصلة
الكهرباء متاحة لعدة ساعات فقط يومياً
مسموح بشنطة ضهر متوسطة الحجم وغير مسموح بالشنط الكبيرة نهائياً.
الشبكة متاحة فقط أول وثانى وسادس وسابع يوم
-----------------------------------------------------------------------------------
العدد المطلوب : 24 فرد فى يخت كبير ٣ أدوار مجهز بكبائن و2 حمام رجالى وحريمى خارجيين ( لا توجد حمامات داخلية ) ومطبخ كبير مجهز بالكامل.
غرف وكبائن مزدوجة بدون حمام وغير متاح غرف فردية.
الأولوية للسيدات والأزواج وكبار السن فقط
تكلفة الرحلة 9000 جنيه للفرد داخل الكابينة المزدوجة تشمل :
الاقامة فى كابينة مزدوجة بيخت مستوى راقى والأولوية لكبار السن والسيدات والأزواج داخل الكبائن.
8500 جنيه للشباب النوم خارج الكبائن
جميع الانتقالات وتذاكر السفر بقطار الدرجة
الأولى VIP
الإقامة
تذاكر المزارات
تذاكر الصوت والضوء
مواصلات داخلية
شيف فندقى 5 نجوم
الوجبات اليومية ( وجبة فطار - وجبة غدا خفيفة بدون لحوم - وجبة عشا أساسية اسماك ولحوم ) + فاكهة + حلويات + المياه المعدنية.
المشروبات ( شاى - قهوة - نسكافيه - نعناع - ينسون - كركديه ) اوبن بوفيه
المركب مجهز بالكامل ٣ أدوار.
مطبخ و2 حمام خارجى
حمام حريمى + حمام رجالى
--------------------------------------------------------------------------------
الرحلة لا تشمل أى مصروفات أخرى غير مذكورة ومش محتاج تصرف ولا جنيه من ساعة الوصول إلى أسوان وحتى المغادرة.
ولا تشمل افطار اليوم الأول ساعة الوصول ولا غداء اليوم الأخير قبل السفر ولا الاكراميات.
---------------------------------------------------------------------------------
فى حالة الغاء الحجز بعد 48 ساعة من الدفع لن يسترد إلا 50% من قيمة الحجز فقط مهما كانت الأسباب ويمكن إحضار بديل.
لايمكن إستراد قيمه الاشتراك بعد يوم 10 أكتوبر ( علشان هاتكون التصاريح اتعملت بالفعل والتذاكر اتحجزت) والمركب والوجبات أتحجزت.
--------------------------------------------------------------------------------------
للاشتراك وايه استفسارات التواصل :
د. أحمد 01002629632
للحجز ايداع او تحويل لكامل المبلغ
على فودافون كاش 01002629632 مع إضافة 1% مصاريف فودافون
أو إيداع بنكى على حساب رقم 5135000620682800018 البنك الأهلي المصري
***************************************************************************
يمكن تعديل ترتيب البرنامج والتفاصيل حسب ما يستجد أثناء التنظيم والتصاريح.
Advertisement
Where is it happening?
Egypt, القاهرة، محافظة القاهرة، مصر, محافظة القاهرة, ميدان الجمهورية, القاهرة, القاهرة, مصر,Cairo, EgyptEvent Location & Nearby Stays:
