Сяргей Лескець «Шэпт» (спектакль 16+)

«Шэпт» — гэта тэатральная замова, у якой галоўным інструментам з’яўляецца голас: моцны і ціхі, гладкі і шорсткі, малітоўны і зямны. Спектакль пераносіць гледача ў свет беларускіх шаптух і знахарак — жанчын, што лячылі словам, нашэптвалі на ваду, травы, агонь. У аснове пастаноўкі — дзевяцігадовае даследаванне фатографа і антраполага Сяргея Лескеця. Спачатку гэта былі фотапартрэты і дзённікавыя нататкі, якія перараслі ў кнігу, выставу і, нарэшце, у сцэнічнае дзеянне. «Шэпт» стварае на сцэне рытуальную прастору, дзе кожны глядач становіцца сведкам сакральнага. Гераіні спектакля — пяць шаптух, кожную з якіх увасабляе адна акторка. Яны лякуюць страх, ачышчаюць вадой, абараняюць хаты ад маланкі, хрысцяць душы ненароджаных дзяцей. Чырвоная нітка, што з’яўляецца падчас дзеі, злучае рытуал, памяць і жыццё, ствараючы ахоўны знак на сцэне. Мінімалістычная сцэнаграфія, дакументальныя тэксты, гукавыя вобразы і жывы голас ператвараюць спектакль у духоўны досвед — далікатны, але моцны. Гэта шэпт, які нельга перакрычаць, таму што ён гучыць з глыбіні.
Ролі выконваюць: Святлана Анікей, Дзмітрый Лук’янчык, Міхаіл Зуй
Музыка: Дзмітрый Лук’янчык
Прадзюсарка: Вольга Кулікоўская / Fundacja INEXKULT
Спектакль ідзе на беларускай мове з польскімі субтытрамі.
Пряцягласць — 60 хвілін.