Z ksiōnżkōm przi Kofoli [Kōmisorz Hanusik]

Jak dwa lata do zadku zaczynali’chmy godać przi Kofoli ô ksiōnżkach, na piyrszy tref wziyni’chmy nojnowszego Hanusika ôd Melona.
Terozki wrocōmy do Melona i Hanusika, nale bierymy na tapet piyrszo ksiōnżka ze seryje. Kej we 2014. roku Silesia Progress bōła wydała «Kōmisorza Hanusika», żodyn sie ani niy spodzioł, że ôn doczko sie teluch nastympnych tōmōw i teluch dodurkōw. Achim Hanusik zyskoł sympatyjo Ślōnzokōw, a tyż inksze autory widzieli go za inszpiracyjo dlo swojij twōrczości.
Pogodōmy ô stylu «wczesnego Melona», ô elymyntach fantasy we ksiōnżce, ô budowie świata, a tyż ô naśladowcach autora.
Tref we Hospodzie (Katowice, Glywicko 6), 18.10.2026, 18:00.