SÖNG- OG KAMMERTÓNLEIKAR REYKHOLTSHÁTÍÐAR

Arnheiður Eiríksdóttir mezzósópran og píanóleikarinn Elena Postumi leiða fjölbreytta dagskrá þar sem rómantísk tónlist er í forgrunni. Á efnisskránni eru verk eftir þrjú af helstu tónskáldum 19. aldar, Johannes Brahms, Antonín Dvořák og Richard Strauss, sem hvert um sig túlka ást, söknuð og ljóðræna fegurð á sinn einstaka hátt.
Meðal verka kvöldsins eru Zwei Gesänge, op. 91, eftir Brahms fyrir mezzósópran, víólu og píanó – ein af innilegustu og persónulegustu tónsmíðum hans. Einnig verður flutt úrval úr Sígaunaljóðum Brahms auk Ástarljóða eftir Dvořák.
Einnig verður flutt Capriccio fyrir strengjasextett eftir Richard Strauss, sem hann samdi sem inngang að samnefndri óperu. Hér hljómar verkið í flutningi allra strengjaleikara hátíðarinnar.
Flytjendur:
Arnheiður Eiríksdóttir, mezzósópran
Elena Postumi, píanó
Pétur Björnsson, fiðla
Joaquín Páll Palomares, fiðla
Guðbjartur Hákonarson, víóla
Þórunn Ósk Marinósdóttir, víóla
Sigurður Bjarki Gunnarsson, selló
Sigurgeir Agnarsson, selló
Sjá nánar á heimasíðu Reykholtshátíðar, reykholtshatid.is
Sjáumst á Reykholtshátíð!
Miðaverð 4.500 kr.
Húsið opnar kl. 19.30
Hátíðarpassi kostar 11.500 kr. og gildir á alla tónleika hátíðarinnar.